Soma Biblia Kila Siku Agosti 2021Mfano

Mpango wa Mungu kuhusu wokovu umekamilika. Kwa njia ya Yesu Kristo upatanisho kati ya Mungu na sisi umefanyika. Lakini tuko wapi? Jipime kwa kusoma m.23a: Mkidumu tu katika ile imani, hali mmewekwa juu ya msingi, mkawa imara; msipogeuzwa na kuliacha tumaini la Injili mliyosikia habari zake. Jambo lililo muhimu kwetu linapaswa kuwa sawa sawa na jambo lililo muhimu kwa Mungu (kama Paulo anavyoshuhudia katika m.25, Nimefanywa mhudumu wake, sawasawa na uwakili wa Mungu, niliopewa kwa faida yenu, nilitimize neno la Mungu), maana hatujafika mbinguni bado. Majaribu ni mengi, lakini tusikate tamaa, bali tusimame imara katika Yesu. Mkristo anashinda dhambi zake kwa njia ya Yesu, maana Yesu ameshinda tayari kwa ajili yetu. Yeye ni mpatanishi wetu.