Soma Biblia Kila Siku Agosti 2021Mfano

Wakristo wengi wa Kolosai wamepata kuifahamu Injili,  na hili ndilo lengo la Mungu kwa kila mtu. Pia Mungu anataka tupate kufahamu mapenzi yake ili tujue jinsi ya kuishi kufuatana na anavyotaka. Ndiyo sababu ya Paulo na Timotheo kuomba kama ilivyoandikwa katika m.9. Lakini kumbuka, ni Injili inayotutia moyo ili tuyafuate mapenzi ya Mungu. Zingatia mtunzi wa Zab 119 anavyosema katika m.32, Nitakwenda mbio katika njia ya maagizo yako, utakaponikunjua moyo wangu. Sheria za Mungu ni nzuri, na Mungu anataka kutubariki. Kwa hiyo usisite kumfuata Yesu Kristo. Yeye ni Mwokozi na kiongozi wako.