Soma Biblia Kila Siku Agosti 2021Mfano

Ukamilifu wa hekalu takatifu la Mungu ni pamoja na uwepo wa madhabahu. Mungu ana neno maalumu kuhusu mahali hapo: Kwa muda wa siku saba wataifanyia madhabahu upatanisho, na kuitakasa; ndivyo watakavyoiweka wakfu (m.26). Kwa sababu ya dhambi za Waisraeli, ilibidi madhabahu itakaswe kamili kabla ya kutumika kwa sadaka zao. Ndivyo sheria za agano la kale zilivyodai. Kwa mtazamo wa agano jipya la Kristo, maana yake ni hii: Kwa toleo moja Yesu ametukamilisha hata milele sisi tunaotakaswa (Ebr 10:14, Maana kwa toleo moja amewakamilisha hata milele hao wanaotakaswa). Kwenye msingi huu, tunaweza kumtolea miili yetu iwe dhabihu iliyo hai, takatifu, ya kumpendeza Mungu (Rum 12:1). Basi, tumwabudu!