Soma Biblia Kila Siku Novemba 2021Mfano

Hatujui sababu ya hasira ya Bwana kuwaka juu ya Waisraeli. Njia aliyoitumia Bwana kuwaadhibu ni kumtia Daudi nia ya kuwahesabu wanaume wote wenye uwezo wa kupigana vita. Hivyo Daudi alijaribiwa kutaka kuipima nguvu yake mwenyewe badala ya kuitegemea nguvu ya Bwana peke yake. Aliingiliwa na hali ya kiburi na majivuno. Namna Mungu alivyomtia Daudi nia hii tunaona katika 1 Nya 21:1; alimruhusu Shetani kumshawishi Daudi. Yoabu aliona kwamba jambo hili si sawa, kwa hiyo anamwuliza Daudi, Kwa nini neno hili limempendeza bwana wangu mfalme? (m.3; ling. 1 Nya 21:3 ambapo Yoabu anaona italeta hatia, Mbona basi bwana wangu analitaka neno hili? Mbona awe sababu ya hatia kwa Israeli?) Tukumbuke ilivyoandikwa katika Yer 17:5, Amelaaniwa mtu yule amtegemeaye mwanadamu, Amfanyaye mwanadamu kuwa kinga yake Na moyoni mwake amemwacha Bwana.