Soma Biblia Kila Siku 04/2025Mfano

“Mikate isiyotiwa chachu” ni mfano wa usafi na uwazi. Kama watu wakienda mbele za Mungu na kufanya ibada bila moyo mweupe, badala ya kupokea baraka walikataliwa mbali na watu wa Mungu. Mtu asidai kwamba ana uhusiano na Mungu kwa njia ya kutoa sadaka, huku akiendelea kung’ang’ania dhambi. Ibada ya kweli kwa Mungu inatakiwa ianzie ndani ya moyo. Zingatia ilivyoandikwa katika 1 Kor 11:27-30:Kila aulaye mkate huo, au kukinywea kikombe hicho cha Bwana isivyostahili, atakuwa amejipatia hatia ya mwili na damu ya Bwana. Lakini mtu ajihoji mwenyewe, na hivyo aule mkate, na kukinywea kikombe. Maana alaye na kunywa, hula na kunywa hukumu ya nafsi yake, kwa kutokuupambanua ule mwili. Kwa sababu hiyo wako wengi kwenu walio hawawezi na dhaifu, na watu kadha wa kadha wamelala. Tujihoji kwanza ili tusishiriki Meza ya Bwanaisivyostahili, yaani tusiende mbele za Mungu kwa mioyo ya unafiki na mazoea.