ప్రత్యేకంగా ఉండండినమూనా

సిలువ పై కేంద్రీకృతమైన జీవితం

2:1-16: అపొస్తలుడైన పౌలు క్రీస్తు సిలువను గురించి మొదట 1:17 లో ప్రస్తావించారు. 1 కొరింథీయులకు 2:1-5 లో కూడా సిల్వను గూర్చి మాట్లాడుతున్నాడు. వాక్చాతుర్యంపై కాకుండా సిలువ సందేశంపై దృష్టి పెట్టానని ఆయన చెప్పారు. కొరింథీలోని విశ్వాసులు మానవ జ్ఞానం కంటే క్రీస్తుపై విశ్వాసం ఉంచేలా ఆయన ఇలా చేసారు. 2:6-16లో సువార్త మర్మమైన దేవుని జ్ఞానం అని అది పరిశుద్ధాత్మ ద్వారా వెల్లడిపర్చబడుతుంది అని పౌలు వ్రాసారు.

కొన్ని సంఘాలు వినోదాల పై కేంద్రీకృతమైనవి. పాపం గురించి ప్రస్తావించడం కాని ఖండించడం కాని చేయకుండా వారు తమ సంఘసభ్యులను వినోదాలతో సంతోషంగా ఉంచడానికి నిరంతరం ప్రయత్నిస్తుంటారు. వారు వేదిక నుండి వారి వ్యక్తిత్వాన్ని ఎలా అభివృద్ధిపరచుకోవాలో బొద్తిస్తుంటారు. కాని సిలువను గురించి చాలా అరుదుగా బోధిస్తుంటారు. పౌలు మాత్రం సిలువ సందేశాన్ని నిరంతరం బోధించాడు.

పౌలు యొక్క ప్రధాన బోధన అంశం క్రీస్తు సిలువే. ఎందుకో తెలుసా? క్రీస్తు యొక్క బలి ద్వారా మాత్రమే క్షమాపణ సాధ్యమవుతుంది. అయితే మన సంగతేమిటి? మనము సిలువను గురించి నొక్కి చెబుతున్నామా? మనం సిలువ గురించి పాడాలి. సిలువ గురించి బోధించాలి. అలాగే మనం సిలువను మోసుకొని యేసును వెంబడించాలి. సిలువ పై కేంద్రీకృతమైన జీవితాన్ని మనము జీవిద్దాం.

ప్రార్థన: ప్రియమైన తండ్రీ, సిలువ పై కేంద్రీకృతమైన జీవితాన్ని జీవించడానికి మరియు మీ నామమునకు మహిమ తెచ్చేందుకు మీ కృపను నాకు దయచేయండి.