నన్ను ఆజ్ఞాపించు – జీరో కాన్ఫరెన్స్‌నమూనా

అడుగు వేయడం

“నన్ను ఆజ్ఞాపించు” అని చెప్పే ధైర్యం

పేతురు అభ్యర్థన చాలా విచిత్రంగా ఉండడం మీరెప్పుడైనా గమనించారా? ఎదురుగాలి నడుమ, ఇతరులు భద్రతకొరకు తమ దోనెను అంటిపెట్టుకొని ఉండగా, పేతురు విభిన్నమైనదానిని చూశాడు. సహజ నియమాలను మరియు మానవహేతువును ప్రతిఘటిస్తూ యేసు యెదుటకు వెళ్లే అవకాశంకొరకు చూశాడు.

“ప్రభువా, నీవే అయితే నీళ్లమీద నడిచి నీయొద్దకు వచ్చుటకు నాకు సెలవిమ్ము” అని పేతురు అన్నాడు. ఈ మాటలు విశ్వాసంతో అడుగువేయడంగురించి మూడు శక్తిమంతమైన విషయాలను వెల్లడిచేస్తాయి.

గుర్తింపు లేదా పరిశోధన (“నీవే అయితే”) – యేసు ఉనికిని పేతురు నిర్ధారించుకోవాలనుకున్నాడు. దిశ లేదా మార్గనిర్దేశం (“నీ యొద్దకు వచ్చుటకు”) – విశ్వాసంతో అతను వేసిన అడుగులో స్పష్టమైన ఉద్దేశ్యం మరియు గమ్యం ఉన్నాయి. విధేయత లేదా లోబడడం (“నాకు సెలవిమ్ము”) – అతను తనను తాను యేసు అధికారానికి అప్పగించుకున్నాడు. ఈ విషయం ఆలోచించండి: పేతురు యేసును తన దగ్గరకు రమ్మని అడగలేదు. వేరొక అద్భుతకార్యం చేయాలని కోరుకొనలేదు. అసాధ్యమైన పరిస్థితిలోకి తనకు సెలవిమ్మని అడిగాడు, ఎందుకంటె అతను గంభీరమైనదానినేదో గ్రహించాడు – యేసుతో ఉండడానికి తన తెగువ తగినదే అనుకున్నాడు.

ప్రార్థనాంశాలు:

“రమ్ము” అని మీ జీవితంలో యేసు ఎక్కడ చెప్పాడు?

సౌకర్యమనే ఏ దోనెను విడిచిపెట్టడానికి మీరు పిలువబడ్డారు?

విధేయత చూపే ముందు సరైన పరిస్థితులకొరకు మీరు వేచి చూస్తున్నారా?

మీకు సందేహించే రంగాలలోకి “నాకు సెలవిమ్మని” చెప్పే ధైర్యంకొరకు ప్రార్థించండి.

వ్యక్తిగత అనువర్తన:

“నాకు సెలవిమ్ము” గురించి మీ స్వంత ప్రార్థనను వ్రాసుకొనండి. సూటిగా ఉండండి:

మీరు ప్రస్తుతం ఉన్న సౌకర్యవంతమైన “దోనె”

యేసు మిమ్మల్ని నడవమన్న “నీళ్లు”

మీరు అధిగమించవలసిన భయాలు

మీరు వేయవలసిన మొదటి అడుగు

మననంకొరకు ప్రశ్నలు:

యేసు పిలుపుపట్ల పేతురు వెంటనే ప్రతిస్పందించడంలో మీకేమనిపించింది?

ఇతర శిష్యులు దోనెలోనే ఉండిపోవడంగురించి మీరేమనుకుంటున్నారు?

దేవుని పిలుపుపట్ల మీ ప్రతిస్పందనను ఎట్లా పేతురు ప్రతిస్పందనతో పోల్చవచ్చు?