నన్ను ఆజ్ఞాపించు – జీరో కాన్ఫరెన్స్‌నమూనా

నడక కొనసాగించడం

మొదటి అడుగును మించి

ఈ వృత్తాంతంలో మధ్యభాగంలోని హఠాత్పరిణామం ఎంత ముఖ్యమైనదో ముగింపు కూడ అంతే ముఖ్య మైనది. “వారు దోనె యెక్కినప్పుడు గాలి అణిగెను. అంతట దోనెలో నున్నవారు వచ్చి -నీవు నిజముగా దేవుని కుమారుడవని చెప్పి ఆయనకు మ్రొక్కిరి.” బలపడిన విశ్వాసంగురించి అనేక ముఖ్యమైన సత్యాలను ఈ ముగింపు వెల్లడిచేస్తుంది.

మొదటగా, వారు దోనెలోకి ఎక్కేవరకు గాలి అణగలేదని గమనించండి. దేవుడు కొన్నిసార్లు గాలిని అణచి వేస్తాడు; మరికొన్నిసార్లు దానిలోనే మనల్ని కాపాడతాడు. రెండూ అద్భుతాలే. రెండూ ఆయన మహిమను వెల్లడించేవే.

రెండవదిగా, ఈ అనుభవం కేవలం పేతురులో మాత్రమే కాక, దోనెలో ఉన్నవారందరిలోను మార్పు తెచ్చింది. మీ విశ్వాసపుటడుగు కేవలం మీకు చెందినది మాత్రమే కాదు. మీ విజయాలను మీ పోరాటా లను చూస్తున్న వారందరిది, మీ ప్రయాణంనుండి నేర్చుకున్నవారందరిది.

ప్రార్థనాంశాలు:

మీ విశ్వాసప్రయాణం యేసుగురించి మీ అభిప్రాయాన్ని ఎట్లా మార్చివేసింది?

మీ విశ్వాసప్రయాణాన్ని ఎవరు గమనిస్తున్నారు?

పురోగమన సమయాలలో మాత్రమే కాక, మీ విశ్వాసం నిరంతరం ఉండేలాగా సహాయంచేయాలని దేవుడిని ప్రార్థించండి.

మీ సాక్ష్యంద్వారా ప్రభావితమయ్యేవారికొరకు ప్రార్థించండి.

వ్యక్తిగత అనువర్తన:

విశ్వాసపు వారసత్వం –వ్రాయడానికి సమయం తీసుకొనండి.

ఇప్పటివరకు మీ ప్రధాన విశ్వాసపుటడుగులు

ప్రతి ఒక అడుగునుండి నేర్చుకున్న పాఠాలు

ఈ అనుభవాలు దేవునిగురించి మీ అభిప్రాయాన్నెలా రూపుదిద్దాయి

మీ ప్రయాణంచేత ప్రభావితమైనవారెవరు

దేవుడు మిమ్మల్ని పిలుస్తున్న తదుపరి అడుగులు ఏవి

మననంకొరకు ప్రశ్నలు:

ఈ అనుభవం శిష్యులలో యేసుమీద ఉన్న అభిప్రాయాన్నెలా మార్చివేసింది?

మన విశ్వాసప్రయాణాన్ని కాపాడుకొనడంలో ఆరాధన ఏ పాత్రను పోషిస్తుంది?

ఇతరులలో విశ్వాసాన్ని ప్రోత్సహించడానికి మీ అనుభవాలను మీరెలా ఉపయోగించగలరు?