Популярні біблійні вірші з Luke 13

Поділитись

အိမ်မအခါ ကိုယ်တော်နာ "နနိန်ရက်နာ ပြိစ်ဟေကလင်းဟနင်းငင် ဆင်ကဇိစ် ကြိုးစားယင့်ဂီး။ နနိန်ရက်အင် ငါငါ့ဆနပ်အန်ကား။ အိမ်မလင်းဟနင်းငင် လူးရက်ဘောင်းကိုဆင်ကဇိစ် ကြိုးစားလင်ကယေ့ ဆင်ကိုလှုလင်ကားအရိ(လ်)ပါ(လ်)။

အိမ်မာနေရာယာ မကောင်းဆိုးဝါးပြုစားကဟင်းပေါ်ကို တစ်ဆယ့်ရှစ်နှစ်ကြာ ခါးကုန်းကို ကနင်းဖူးဆာ အစက်လှုကား တာဆာလောင်ဟူးဝါငါလင်ကဟေ။ ကိုယ်တော်နာ အိမ်မာ တာဆာလောင်ငင် ပေါ်ကို မှတာဆာလောင်ငင်အော်ကို "တာဆာလောင်၊ နင်အတတ်ကအချိန်ငါဘင်းစကို အကောင်းပကတိဖြစ်အင်နန်း"ငါ့ကို ငါ့လင်ကရပ်၊

အမာကတာဟူးဝင် တာဆာလောင်ကအဖုံးငါ တင်နက်ကရပ် ချက်ချင်းဒင့် အမာစာ ခါးဆန့်ကလင်ကို စက်လင်ကရပ် ဘုရားရှင်ကဂုဏ်တော်ယင် ချီးမွမ်းလင်ကဟေ။

အတတ်ကအချိန်ငါ အရေးအပါကဝမ်းနည်းမူရက်နာ အရေးကြီးဆုံးလူးရက်ဖြိုက်ကို အတတ်ကအချိန်ငါ အရေးကြီးဆုံးလူးရက်နာ အရေးအပါကလူးရက်ဖြိုက်လင်ကား"ငါ့ကို ငါ့လင်ကဟေ။

ကိန်းဆိမ်းနာ ရိကို အာဟပိတ်နက်အန်နဲ့က(လ်) နနိန်ရက်နာ အပြင့်ငါစောင့်ကို "အရှင်၊ အာဟဖွင့်အီယန်"ငါ့ကို ငါ့လင်ပေါ်ကား။ ညီးငါ့ဒင့်ယေ့ ကိန်းဆိမ်းနာ "နနိန်ရက် မှဘင်းဗန်(ဖ်)ဟေကား ငါအချေးပါ(လ်)"ငါ့ကို ငါ့လင်ကား။

အမှာလုံးဝအရိပါ(လ်)။ နနိန်ရက်အင် ငါငါ့ဆနပ်အန်ကား။ နနိန်ရက်အ(လ်) အပြစ်ဒုစရိုက်ရက်အာ ဘင်း နောင်တသံဝေဂအလှုပါ(လ်)ငါနဲ့က(လ်) အတတ်ကဒေလေ ဆိန်းလင်ပေါ်ကား"ငါ့ကို ငါ့လင်ကဟေ။

အမာနာ "နနိန်ရက်အင် ငါငါ့ဆနပ်အန်ကား။ နနိန်ရက် မှဘင်းဗန်(ဖ်)ဟေကား ငါအမှန်တကယ် အချေးပါ(လ်)။ ဆိုးဟေကလူးရက်၊ ငါကမဘင်းပြုကလင်"ငါ့ကို ငါ့လင်ကား။

မှနောက်အာ ကိုယ်တော်နာ "ဘုရားသာသနာတော်နာ အဇာအိန်းတူဟေယား။ အဇာအိန်းနှိုင်းယှဉ်ဆနက်ပိုဂါယားငါနဲ့ အိမ်မာနာ မုန်းညင်းတူ(ဖ်)အိမ်တူဟေ။ လူးဟူးဝါနာ အတူ(ဖ်)ဝင်လာကို ဥယျာဉ်ထဲယာ စိုက်ပျိုးပီလင်ကဟေ။ အိမ်မားအတူ(ဖ်)နာ အဟက်ရက်အိမ် ပြည့်စုံဟေကအဖင်းဖြိုက်ယောဝန်ကို အူဆီရက်အ(လ်) အထိုတုပ်ကို တုန်းလှုဟေ"ငါ့ကို ငါ့လင်ကဟေ။