Популярні біблійні вірші з Rom 12

Поділитись

Ni luhdül äng käh mäichoh khrang la thung khäl kolai chu, äichaw a Hnadaga a nangnih käh lunga atha poeiyal sawk chula hang hang atha thäneiyal khäl. Äihi nangnih Hnadaga sitha iyäm awlaw mawng che pawi äm awlaw mawng la che Hnadaga a phiyaw äm awlaw mawng che kraweiyah äm, äi nini hmawtai.

Äihi nube tanawu khälo, Hnadaga la khrawng jenei saw koong kei nangnih khäka thasa kawkhawh ei. Nangnih nini kantha a hengtih, asanh chang awlaw Hnadaga phiyaw lokong hluei khäl. Ni hnäh ihisaw lawma Hnadaga a norosi saw.

Üm saw äng piyaw khäl, dukhah äng chunei chula mäi khäl. Sawkbrat suh tongei chula mäi khäl.

Pawyah saw khäka hiyumai chu, awlaw bang awpawi äng dä ese a hiyum sawk khäl.

Hngat la hngata tanawu huih mawt chaw khetei khäl. Nini pum thawka bang awhngaw a unung chaw hmawi pek khäl.

Ekhet äng kramei mäyah seh. Ibang ese äm äi a mum khäl. Ibang pawi äm äi chetchet mawn chula taw khäl.

Nangnih nini hnäng saw huih ni khrawng kheni äng jelkhiyamsa äng mäichoh bäichu.

Khetsu nube tanawu khälo, nangnih kädäng la krängak ha hum thungei nawkalai chu, äini Hnadaga la dä hum thungei nawkalai. Iyaäm kiyam äng Boi la hawu, “Hum thungei nawkalai saw che Kei käh bi dä. Ua ihuih tawnäm Kei ani a kepekalai.”

Tha poh khäl, dawmai chu. Äichaw a tha potila nulung känäng Boi Hnadaga a chetchaw khäl.

Kei Hnadaga känäng kübünei saw khetjen äng kei nangnih a kanang tak, nini puma nini tawk saw thawka awpawisum ting khahneyeih chu. Äichaw a nangnih i lup äm, äi lup dä tawkei bäichu. Hnadaga la anih a i hiyawh uyum pekäm, hang hang la ni upuma äi hiyawh khahnei seh u.

Nang äng hngat la ha ese poh ei khaw, ani äng ese poeyeiti. Khrawng khe mik äng i pawi äm, äi khäl nini poh aih saw hno khäl.

Nangnih hngat la hngat pongei chula mäi khäl, bawriyei chu. Khrawng la awhmawi pek u saw khrawng khäl äng khanbawn hmatei khäl. Nangnih nini puma ngen mawh ting khineyei chu.

Kiyam kheu huih, “Nangkäh lansu dä üdüei hi, ani a eisaw pek. Ani tui halei hi tui pek. Ni huih dä nopoh khaw nang ani luki äng choitih mei alh püm tila nawtawkai.”

Nangnih a ula anang kuluh nawkäm, anih a nangnih pisih pek khäl. Anih a sayeyei chu. Utih ini piyaw äm anih ängtu piyaw bäichu, utih ini kapäm anih ängtu kap bäichu.

Hnadaga käh khrawng khäl ini lai khaw a ku khäl. Gawlba khäla nangnih ima panei chula teh long khäl.

Nangkei üküta ni ini kantha äng angga chumchak khäh, äini äi angga chumchak saw la awhngaw hngaw bi ibi. Äi huih kawchawng chawng nangkei üsüh äng ini nung thän ha Krito äng sakei pula kantha hngat ini thänei däk. Ükütni hngat la hngat äng ini soei chak khäh.