Популярні біблійні вірші з Rom 8

Поділитись

Nangkei ini hmawt khäh, Hnadaga a ula khet nawk äm awlaw Ani sitha huih u khäl panei ini hmuei äm, hang hang ni utu anih pawyei phüh dä bi pawi bi chak saw.

Iyaäm kei kawhmawt khäh ila ha nangkei a Ani käh khet känäng khrawng khau hnängah: düsaw la hiyah khaw sawk la, hawn natchaw hiyah khaw hawn khiyuptih hiyah thän tha la, tua käh hiyah thän awhmawi maw a käh ila ha hiyah. Ühlüngtih ala la ha, thuktih ala la ha, ‘hiyah thän’ bi hmuei saw awhngaw vawn khälla ha, ila ha nangkei Boi Krito Yĕsu äng ini mäi saw koong Hnadaga käh khet känäng nangkei a khrawng khau hnäng hnawh.

Nangkei ini ngiyaw khaw a Awkhraw la dä nangkei a khrawng ku saw. Iyaäm nangkei ihuih suh ini tongei tawn äm äi hmawt pu. Äini ebe äng bang hawu hnäng ti saw kheu äng Awkhraw la Hnadaga khäka nangkei koong awkhawh ei.

Ni krong khäl äng keinih i kini hawu aih saw äm? Hnadaga dä nangkei phak mäi hi, nangkei awhngaw phak u mäyeih saw äm?

Äi koong tua, Krito Yĕsu äng mäitih khäl koong che iha epret mäitiyah.

Nangkei käh tawk dä ngulai äng käh luhchaw mäichoh khrang la khiyup khaw äpäih sum äng nübünei saw che düsaw dä. Äini ini tawk dä Asanh chang Khraw la khiyup hi äi phiyaw phoih che sawk la jelkhiyamsa.

Äini nangkei a khrawng khetnawtih Hnadaga äng nangkei äi hang hang äng ni ini ong chak.

Kei kawtawk nangkei tua ini khawm tun saw waih khäl äng nangkei koong awhmawi mawh a dawngaih saw piyaw iha tuei hnäng hnawh.

Ula nangkei a Krito käh khet känäng khrawng khau hnängaih saw äm? Khru saw la ei? ‘Hiyah thän’ waih la ei? Kuluh nawk saw la ei? ‘Hiyah thän’ ini ken saw la ei? Sanglai saw la ei? ‘Hiyah thän’ phi la ei? ‘Hiyah thän’ düsaw la ei?

Nangkei lung duka i mäi äm äi Hnadaga la hmuh khäh awlaw khraw la i hlü äm äi ha hmawt khäh. Iyaäm khraw la Hnadaga käh khrawng khäl koong Hnadaga sitha huih ani khäka hnih ei.

Hnadaga käh khraw tha äng chet chonei tih khäl che Hnadaga käh chaw chuhnu khäl.

Iyaäm ngulai äng käh luhchaw mäichoh khrang la ukhäla khiyup äm, anih tawk la che ngulai äng käh luhchaw mäichoh khrang dä tawk saw. Äini Awkhraw la ukhäla khiyup äm, anih la Asanh chang Khraw la ihuih hlü äm äi huih dä tawk saw.

Hnadaga la Awchaw a bang hlätah. Ani la nangkei khe koong Awchaw a uhlu hüt. Awchaw a bang nangkei koong pektih la ichip phranh bala ükütni nangkei a khrawng pekaih hiyah ei?

Hnadaga käh khraw ängtu nangkei käh khraw la hawu nangkei Hnadaga käh chaw chuhnu. Nangkei dä Ani chaw chuhnu ini thänei hi Hnadaga la Ani chaw chuhnu tih a i pekaih saw khawmei äm, nangkei ha äi ini büneyei. Awlaw Krito la Hnadaga känäng i büneyei äm äi nangkei ha Ani ängtu ini phe eyei. Iyaäm nangkei dä Krito ängtu dukhah ini khawm hi Ani ängtu a wachang ha ini büneyalai.”

Iyaäm ngulai äng käh luhchaw mäichoh khrang la khrawng tawka ukhiyup khaw nangkei Hnadaga käh lansu a ini thänei. Iyaäm äila Hnadaga käh thung khäka awpeyah. Ihi khäh awpei hnängah.

Hnadaga käh chaw chuhnu khäl itih khaw a ini dawngaih saw äm, äi koong bi hmuei saw kheni la nahei ula äi khin koong chong ula ini mäi.

Iyaäm tutäh si äng ha bi hmuei saw vawn kheni pung vawn mawh mäeiyeih khaw a ähän choh ei saw äng okou saw huih ini koupe khäh.