Популярні біблійні вірші з oRoma 12

Поділитись

Ala ka gbosowe koza yoya kese mani lo, otu kala ke na pyabo bwebe ko kyotu kala pya wopepe. Ebeni ala ba gege ko gyoza ni otu ko Owuso we ni, imu kotu nu ni wo neneshi ni ki gyogya ni.

Ni, olemani oni, ayene, nyya bala eshi kiyinyinyi ko Owuso ine ko olayi, ala ziyikala do Owuso, na weshi ni kwiyi, ni wosere, ni ya sho Owuso otu ni. Omani pi wo geyagye kokwokwoshi la.

Iyitagye wa nawo otunehe, ana gbotumene ipu kebi ni aba dawani, ana tinarigwu ipu gishi kpiri.

Alaka kyogwu obibi na kpala gwalagye lo, ala ke kpefu kpo obibi kpo neshi.

Ala yimu kiyikala neshi byoni ala wayine ni, ananoho na moyinanu gyiyi shiyinu.

Imu na wako tata. Tela koza ni wo bibi ni, yabo byoza ni wo neshi ni

Obiya woza, owe ebewala, ana yagye neshi kpa ananoho.

Ana ka sore lo, awoya hin moshi, ana ke shibita do Owuso na sore, koni okpa ko Owuso kamo, <<Adole kamo, Owa kakahin ko sore la: nyya sore.>>

Ala ka nye ipu koko lo, omaku kala ke na loshu ko yoko do Owuso.

Bwebe keshi ni Owuso dami ni nyya ka da ananoho kala mo: ka ziyo mo woje sheyi gagye lo. Abishi koni, ziyo gyogye kpoza ni owe ni, kweyi miyoma bwebe kotuse ni Owuso dawo ni.

Ala ka sashishe ore kobibi kpobibi lo. Ana gbera ko yoza neshi iyi kananoho.

Ala bagye neshi kpiyikala. Ala ka zikweyi iso lo, ala ke yoko ni gbo gwakya lo ni. Ala ka miyi kala mala ziyi lo.

kweyi okpa ko Owuso kamo: <<Owoni omonyekwotu wo ya ngmemye, danoza na re: Owoni igini ya ngmo, daninyi na gwa. Owoni oya mani, oya yeha kola sikweyi oma.>>

Bo Owuso na yabo neshi sawase ni ba daha owe ni, ana kela neshi, ana ka suwesa lo. Shotunehe kpa awase ni ba shotunehe ni, byotu kpawase niba byotu ni.

Ala koza ni ala gbo ni kpayene kala kipu ko Okristi ni gbo lo ni, kweyi ala gwofunu kole kala dawogboga.

Byoni kpiri wa wikpiye oye kponu ni kpase shishini nwashika, kweyi awase shishini mani, oko wa woye kponu lalo, Ni olemani, ipu ko Okristi, awani nwashika bwikpiye oye kponu ni, kweyi ananoho kase mani wakawase shishini kpiri la.