ہر صبح خدا کی آواز سننانمونہ

اُمید رکھیں

اَے میری جان خُدا ہی کی آس رکھ کیونکہ اُسی سے مجھے اُمید ہے۔  (زبور ۶۲ : ۵)

خُدا کی قوت اُس وقت جاری ہوتی ہے جب ہم اِیمان سے اُس پر بھروسہ اور یقین کرتے ہوئے دُعا کرتے ہیں ، کیونکہ اِیمان اس کو پسند ہے۔ اُمید اِیمان کی خوبی ہے جس میں ایک خاص قسم کی قوت موجود ہوتی ہے ۔۔۔۔۔۔ اُمید کی قوت۔ اِیمان روحانی عالم میں رسائی حاصل کرتا ہے اوراُمید کرتا ہے کہ خُدا کی مافوق الفطرت قوت ظاہرہوگی اوروہ کام ہوگا جو زمین پر کوئی اور شخص نہیں کرسکتا۔ دوسری طرف شک اِس خوف میں مبتلا رہتا ہے کہ کوئی بھلائی پیدا نہیں ہوگی؛ یہ خُدا کو پسند نہیں ہے اور خُدا اُس پراپنی برکت جاری نہیں کر سکتا۔ اگر ہم شک، مایوسی اور خُدا پراعتماد میں زندگی بسر نہیں کرتےتو ہم کمزور ہو جاتے ہیں۔

کوئی ایسا وقت یاد کریں جب آپ کوکچھ خاص یقین نہیں تھا کہ خُدا آپ کی مدد کے لئے آئے گا۔ اگر ایسا تھا تو کیا آپ کی دُعائیں پُرجوش تھیں؟ اَب ایسا وقت یاد کریں جب آپ کا دِل خُدا پر پورے طورپر اُمید لگائے ہوئے تھا اورآپ اس پر حقیقی ایمان رکھتے تھے کہ وہ آپ کی مدد کے لئے آئے گا۔ کیا اُس وقت آپ دُعا میں خاص زور محسوس نہیں کررہے تھے ، کیا ایسا ہی تھا؟ یہ ہے دُعا میں اُمید کی طاقت۔ اگر حالات آپ کی اُمید کے مطابق نہ بھی ہوں تو بھی خُدا پر بھروسہ کریں کیونکہ اُس کے عظیم کاموں کے لئے اُس سے اُمید رکھنا بہت بہترین بات ہے۔

آج آپ کے لئے خُدا کا کلام: اپنی زندگی میں خُدا کےعظیم کاموں کی توقع کریں اور دلیری سے دُعا کریں۔