Những câu Kinh Thánh phổ biến từ Matthew 5

Chia sẻ

Mi me müto püh mürhakhro mori metobüh bayo dü mayo, sülize celü kübako mütü va nve bayo. Süsü bi mipo ne mhatho küve ngo die tüyo küba neko Po Jihova za thikümüleyi küto na ne küve po vekrü zoyite.

Neko cejü küveo zo, cejüthu yo küba rüna mi pu ngomo tayi lhozo

Thülü kümüsako yhevetho, kükrenamoli süko Jihova ngo zoto tina.

Kümatho dzüh phu küthüri kümüri thiyo kütiko yhevetho, kükrenamoli süko u küchukühi ngozoyi to tina.

Eli, I nekoce po süto, ne ngomumi khrüyi, mo galiphi püh ne rüphi kütimi prüyi, ne phimu yo kütimi na mha küve thiyi, n phimu die n müthimünyiyo kütimi na shoyite.

Rüpü celaco kütsakhuko yhevetho, kükrenamoli tüyo küde-e süko sü zo tina.

Vetho küthiko yhevetho, kükrenamoli süko yisü Jihova nune lie ci zoto tina.

Krayo kütiko yhevetho, kükrenamoli süko ulü luyi zoto tina.

Kümatho dzühvena thilinyi kütako yhevetho, kükrenamoli tüyo küde süko zü zo tina.

Phikümüzhe küneko yhevetho, kükrenamoli süko phikümüzhe ngo zoyi to tina.

A na mipo neko mushüh, müthimünyi mo kücezü lünyi po püh neko mütsuyo lize neko yhevetho; Nenü mo nenü müzüriyite, kükrenamoli tüyo ne zhokhro ve shüh zoto tina, mi süsü bi thazü neko mhuzü sadzüküseko ri mushüh süri zo tina.

Ulü kümünüko yhevetho, kükrenamori süko cejüo püh uzü thi zoto tina.

Neko-e cejüo tsa-o zo; eli mütsa zori pu külhü müdi va lize dipüh püh süo va mülhü layi veta? Süo pu küve pühri di ta die mipo kügü püh zürhüh küdü küva zota to.

Süna, tüyo küba neko Po vezhosü küti bi die neko ri vezhosüyite.

Süri n zü ‘I’ zilize ‘I’ ziyi mo ‘MO’ zilize ‘MO’ ziyi; modie sü zü ta lize süko küsüo celü pari tazo.

Mhü püh khü mhü püh, hu püh khü hu püh, zi püh kümüta neko ri se bata zo. Eli, I nekoce po süto, thüma küsümi müsüh thihi; süzi kütao mori thüma kühopühri n bro n zaco vü lize, kükreco ri kürüh püh prüte.

Süsübi die mhaceno nmhü nzaco nthi müsü tayo lize n moyono süo khi kügü vate; kükrenamoli, nmo mütü kügü püh mezalü sü küva ceri nmoyo zatho püh müdi küva veku. Mhaceno, nbe nzaco nthi müsü tayo lize, n yono süo da kügü vate; kükrenamoli nmo mütü püh mezalü kügü küva ceri nmoyo zatho püh müdi küva veku.