Những câu Kinh Thánh phổ biến từ Matyò 5

Chia sẻ

Wùə tyàynə̀ va lâm è və pfɨsə̂ tɔmə etyə̂ àkɛ̀. Ə pɨlə tɔmə etùə elùʼ engaŋtəu kə è zə panə sê nâʼàpî ndè ə ndɛ. Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Ghàyn nyi kə lâm se chwitè sê ghɨ mbi ghə kɨ̂m ndom ə Fezhə̀vè. Ndaʼ zɛ ə è nyi etûə pfɨ̀yn vâyn kàʼa ze ndəte.

Pɔsê nyì sê ghɨ ghɛ təm ə ghənə̂ghè zo, Ghənə tə fe Fèzhə̀.

Pɔsê nyì sê ghɨ ghɛ ə chɨ̀ŋ zafə ghənə sə̂ nə̂ ə̀ghɛ ghɛ Zhə̀fè kyiŋə. Zhə̀fè tə fo sê ghənə kè kə ghənə kyiŋə.

Pîza, M tsâ sê ghàyn zôyn nə, ghàyn kɔ̂ŋɔ̀ sèpàyn saynse, tsə̂mə̀ sê ghɨ ghɛ ə chɔʼɔ ghol ghaynghe.

Pɔsê nyì sê ghɨ ghɛ ə fɨfə ə sezuʼ, kûmə̀ nə fɔ̂yn ekwùtwəynve nyi sê ghənə.

Pɔsê nyì sê ghɨ ghɛ ə fɨaʼà nə pɔ̂ynè ə nyi, Zhə̀fè tə tɔŋtə̂ ghənə nə ghɔ Və.

Pɔsê nyì sê ghɨ ghɛ ə ghe chîə kwue, Zhə̀fè tə nə̂ nə ghənə saŋnə̂.

Pɔsê nyì sê ghɨ ghɛ ə chɔʼɔ gholə ghənə̂ghè kûmə̀ nə ghənə nə̂ èghɛ zɛ ə Zhə̀fè kyiŋə, Fɔ̂ynə̂ Fezhə̀zè nyì sê ghənə.

Pɔsê nyì sê ghɨ ghɛ ə ghe kosə səyn sê ghɨə mɔ̀ʼɔ̂, Zhə̀fè tə kosə̂ èsəyn sê ghənə.

Pɔsê nyì sê ghàyn ezhoghɛ ghɨ sòlə̀ ghàyn, chɔʼɔ àghol kaynke, fɨnə wamtə̂ tèkyì tə ekwaŋte tekɨ̂m kûmə̀ ghàyn kè kûmə̀ nə ghàyn nyi əghɨ ghɨmə. Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Pɔsêzè nyì sê ghɨ ghɛ ə kyi ngɨmnêzè; ghənə tə kyîə àfɨa kɛ Zhə̀fè tsɨ̀nè.

Ghàyn nyiə kɔʼnə̂ sê ndam tə ghɨ̀tè ə mbi kè kə ngwaŋfe kɔʼnə se fɨazhiəve. Mə ə tɔfə fengwaŋ mî, ə kaʼa nəyn zayn nə fə fɨnə tɔfə? Ə fə fɨnə tsɔ̂fə̀ va sê ghɛ zhîze, ə̀ tsɛ̂ kə va nə ə sɨs mâʼà, ə ghɨə tsə̂yle.

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Pîza ə ò pì nə ò nə̀ nə̀ èghɛ, “O pìə nə m nə̀ nə̂ zəynze” kə ò pi nə, “ày m nə̀ nə̂ va zəynze” nâʼà pî èghɛ èkè zɛ ò paʼse ətəyn ndo sê satàyn.

Ghàyn ə zɨ nə ə tè pì nə, Ə̂ wùə tsuʼ shi wûəzè, ə pɔŋɔ tsuʼə zə vəynze, ə wùə chɔʼ sɔŋ ə wùəzè, ə pɔŋɔ chɔʼɔ zə vəynze. Pîza, M tsâ sê ghàyn zôyn nə, “Kə wùə tə pə̂ynsè pi è pi. Ə̂ wùə sayn ghô apɔ̀ŋ ekɔyn etwɔke, o pə̀ynsə̀ tyə̂nə̀ kə mɔ̀ʼɔ̂ke ə è sayn mɨ̂sè.”

Ə shi zɛ ze ekɔyn twɔze nə̂yn nə ò nəyn pi, o pɔ̀ʼɔ̀ fɨsə̂ ə màʼà. E tsɔ̂fə̀ nə ò laʼ shi zɛ ze mɔ̀ʼ tsɛ̂ kə ə màʼa wiyn vɛve ekɨ̂m elùʼ ewûse. Ə gho kɛ ke ekɔyn etwɔke nə̂yn nə ò nəyn pi, o tənə màʼà. E tsɔ̂fə̀ nə ò laʼ gho kɛ ke àmɔ̀ʼ tsɛ kə ə maʼa wiyn vɛve ekɨ̂m elùʼ ewùs.