Iivesi zeBhayibhile ezithandwayo ezisuka IsiThyilelo IsiThyilelo 6

Share

Ndabona, nalo ihashe eliluthuthu; lowo ke wayehleli phezu kwalo enguKufa, nelabafileyo lilandela naye. Banikwa igunya lokubulala kwisahlulo sesine somhlaba ngekrele, nangendlala, nangokufa, nangawo amarhamncwa omhlaba.

Ndabona, nalo ihashe elimhlophe, lowo wayehleli phezu kwalo enesaphetha; wanikwa isithsaba, waphuma eseyisa, nokuze eyise.

Xa yalivulayo elesihlanu itywina, ndabona phantsi kwesibingelelo imiphefumlo yababuleweyo ngenxa yelizwi likaThixo, nangenxa yobungqina ababenabo.

Baye bedanduluka ngezwi elikhulu, besithi, Koda kube nini na, Nkosi engcwele, oyinyaniso, ungagwebi, ungaliphindezeleli igazi lethu kwabo bemiyo phezu komhlaba? Banikwa bonke ngabanye iingubo ezinde ezimhlophe; kwathiwa kubo, basaya kuphumla ixesha elincinane, bade bazaliseke nabakhonza kunye nabo, nabazalwana babo, abaza kubulawa kwanjengabo.

Kwaphuma elinye ihashe elibomvu; lowo wayehleli phezu kwalo wanikwa igunya lokulususa uxolo emhlabeni, nokuba babulalane, wanikwa ikrele elikhulu.

Ngokuba ufikile umhla omkhulu wengqumbo yayo; ngubani na ke onako ukuma?

Ndabona, xa yalivulayo elesithandathu itywina, kwasuka kwabakho unyikimo lomhlaba olukhulu; Ilanga laba mnyama, njengengubo erhwexayo yoboya, nenyanga yaba njengegazi; Zathi iinkwenkwezi zezulu zawela emhlabeni, njengokuba umkhiwane uvuthulula amakhiwane awo avuthuzayo, wakuzanyazanyiswa ngumoya omkhulu.

Xa yalivulayo elesithathu itywina, ndeva eyesithathu into ephilileyo isithi, Yiza ubone. Ndabona, nalo ihashe elimnyama; lowo ke wayehleli phezu kwalo wayenesikali esandleni sakhe. Ndaza ndeva izwi esazulwini sezinto eziphilileyo zone, lisithi, Ibhekile yengqolowa iya kudla idenariyo, neebhekile ezintathu zerhasi zidle idenariyo; ioli newayini uze ungayoni.

Lathi izulu lemka, njengencwadi esongwayo; zathi zonke iintaba neziqithi zashenxiswa ezindaweni zazo. Ke bona ookumkani bomhlaba, nezinhanha, nezityebi, nabaphathi-mikhosi, nabanamandla, nabakhonzi bonke, nabakhululekileyo, bazifihla emiqolombeni nasemaweni eentaba.