Kíni Ìfẹ́ Tòótọ́?Àpẹrẹ

Ohun kan ṣoṣo tí a fẹ́ ni ìfẹ́ òtítọ́.

Tí ó bá jẹ́ pé ìfẹ́ kan ṣoṣo tí a ní ni láti nífẹ̀ẹ́ Kristi ní kíkún, a gbọ́dọ̀ fà mọ́ ẹ̀gbẹ́ Rẹ̀, kí a sì tẹ̀lé E ní kíkún. Láti tẹ̀lé E ní kíkún, a gbọ́dọ̀ gbé àgbélèbú wa kí a sì sọ ẹ̀mí wa nù láti gbé ti Rẹ̀. A gbọ́dọ̀ kú sí ara wa, sí àwọn ọ̀nà wa, àwọn ìfẹ́ wa, ìgbéga wa. Nínú ikú yìí - ikú ìfẹ́-ara-ẹni - ni ìfẹ́ Kristi fi máa wà láàyè nínú wa. A gbọ́dọ̀ wò Ó - kìí ṣe ẹlòmíràn, tàbí ǹkan míràn - fún àlàáfíà, ìtẹ́wọ́gbà, ìtọ́sọ́nà, àti ìyè. A gbọ́dọ̀ wá gbogbo ayọ̀ wa nínú Rẹ̀. Òun gbọ́dọ̀ jẹ́ èrè nlá wa. A gbọ́dọ̀ sinmi ní kíkún lórí ànfàní tí a n retí nínú Rẹ̀. A gbọ́dọ̀ sinmi nínú Olúwa, kìí ṣe nínú òdodo tiwa. A kò gbọ́dọ̀ gbẹ́kẹ̀lẹ́ ara wa. Ní tòótọ, tí a bá fi ara wa sílẹ̀ sí ẹ̀yìn ni a yóò pàdé Kristi ní kíkún.

Àmọ́ ìfi ara ẹni sílẹ̀ kìí ṣe iṣẹ́ kékeré. Ó túmọ̀ sí pé a gbọ́dọ̀ fi àwọn ọ̀nà ti ara wa sílẹ̀, àwọn òye, ìfẹ́, àwọn ìbẹ̀rù, àwọn àìláàbò, àwọn ìṣòro, àwọn ìfiyèsí, àwọn ohun-ìní, àti bẹ́ẹ̀ bẹ́ẹ̀ lọ. Bí a bá se n fi àwọn ìtùnú àti àwọn ọ̀nà ti ayé yìí sílẹ̀, bẹ́ẹ̀ ni a óò lè fara mọ́ àwọn ìtùnú àti àwọn ọ̀nà ti Kristi pẹ́kí pẹ́kí. Bí a bá ṣe ń yọ̀ nínú Kristi tó, bẹ́ẹ̀ ni a ó fẹ́ láti máa lè sìn ín àti kí a jìyà fún Un síi, ewu láti fà sẹ́yìn kúrò lọ́dọ̀ rẹ̀ yóò sì dínkù. Ayọ̀ Olúwa l‘agbára wa.

Bí a bá ń wá láti kún fún Rẹ̀ àti ìfẹ́ Rẹ̀, a gbọ́dọ̀ rìn pẹ̀lú ọkàn wa ní ìṣọ̀kan sí tiRẹ̀ ní gbogbo ọjọ́, bí ó ti wù kí ìjì náà le tó tàbí bí ìdààmú ti pọ̀ tó tàbí bí ìdánwò tí ó ń bọ̀ lọnà wá ti lágbára tó.

Ní ọ̀la, a yóò ríi ohun ti èyí jẹ́ ní ojú ayé ojoojúmọ́.

Fífi Òtítọ́ pamọ́ sínú Ọkàn: Yan ẹsẹ̀ Ìwé Mímọ́ kan láti gbé sí ọkàn láti tún ọkàn rẹ ṣe àti yí ọkàn rẹ padà.

Pípa Ara: Ẹsẹ̀ wo pàtó ni ẹsẹ̀ Ìwé Mímọ́ ti o kọ n kojú nínú ìgbésí ayé rẹ? Pọ́ọ̀lù sọ fún wa ní pàtàkì pé kí a bọ́ ara ògbólógbòó sílẹ̀.

Mímú Òtítọ́ wá sí ààyè: Gbé ara titun wọ̀ - Kristi. Àwọn àtúnṣe wo pàtó ni o nílò láti ṣe nínú ìrònú tàbí ìwà tàbí ìhùwàsí rẹ láti tẹrí ba fún Un àti láti fi òtítọ́ Rẹ̀ sí ọkàn àti àyà rẹ?