Gewilde Bybelverse vanaf PSALMS 103

Deel

Ek wil die HERE prys en nie al sy goeie dade vergeet nie.

Hy vergewe al jou sondes, en genees al jou siektes. Hy verlos jou lewe van die dood, bekroon jou met liefde en medelye. Hy vul jou lewe met goeie dinge, vernuwe jou jeug soos ’n arend s’n.

Ek wil die HERE prys. Met alles wat binne-in my is, wil ek sy heilige Naam prys.

Soos ’n vader hom ontferm oor sy kinders, so ontferm die HERE Hom oor hulle wat Hom dien.

So ver as die ooste is van die weste, so ver verwyder Hy ons oortredings van ons.

Die HERE is barmhartig en genadig, geduldig en vol onfeilbare liefde.

Hy straf ons nie soos ons sondes verdien nie, en vergeld ons nie volgens ons oortredings nie. Want so ver soos die hemele van die aarde af is, so groot is sy onfeilbare liefde teenoor hulle wat Hom dien.

Die HERE het sy troon in die hemel gevestig; Hy heers oor almal.