Gewilde Bybelverse vanaf Roukos 8

Deel

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Orowa, ai-ush ni tumugeta hachiribe anak ne, nei utara anak itaknu utara ne, koroka, oman aige, shiknu gusu an nishomap ambe hene, ikorobe gusu hene, kanna moshiri ta an shiniwe gusu hene ateyepa wa ibehe epare shomoki ruwe ne.

Orowa, watara kata okaibe anak ne itak nu chiki yaikopuntek wa nei itak koro; orowa, tan utara shinrit sak wa irukai tomta eishokoro, orowa, akoramnukara ita anak ne yaikoemaka ruwe ne.

Orowa, nei utara otta Shinuma ene itak-hi :— Echi koro eishokorʼi neita an ruwe he an? ani itak. Orowa, nei utara ishitoma wa enushkari, awa, utashpa ene itakhi :— Rera newa wakka kashpaotte chiki itak anu tan guru nen ne ruwe he an? ari itak nisa ruwe ne.

Ru parurugeta okaibe anak ne nu utara ne; orowa, nitne kamui ek wa nei utara iteki eishokoro wa kashiaobiuki kuni ne keutura orowa no itak etaye ruwe ne.

Anukara shomoki kusu ne anuinap isam. Akamure wa pekere i otta shomo ek wa shomo aeramu ambe isam ruwe ne.

Orowa, nei slriwentep anuina eaikap sekoro eramʼan chiki, tusushke wa ek, awa, Shinuma kotchaketa hachiri wa obitta no okai utara tek-samata nep gusu tomooshma ya hemhem, orowa, nani aiwangere-i hemhem, otta ye nisa ruwe ne. Orota Shinuma ene itak-hi :— Matne-po, e koro eishokoro-i anak ne e iwangere nisa ruwe ne; mo no an wa paye yan, ari itak.

Orowa, Shinuma orota nei utara araki wa mososo wa ene itak-hi :— Nishpa, nishpa, a un isamka kushki na, ari itak. Orowa, Shinuma mosh hine rera newa yupke ruyambe kopao, aine, nei ambe tui wa neto an ruwe ne.