Gewilde Bybelverse vanaf Psalms 119

Deel

Die dinge wat U vir ons gesê het, is vir my soos 'n lamp wanneer ek in die donker loop, dit wys vir my hoe ek moet lewe.

Ek dink altyd aan wat U gesê het, dit keer my dat ek nie sonde doen teen U nie.

Wat moet jongmense doen sodat hulle kan weet hoe hulle moet lewe? Hulle moet doen wat U sê.

Dit gaan goed met mense wat doen wat die Here sê en wat met hulle hele hart naby Hom wil wees.

By U is ek veilig, U beskerm my, ek weet U sal doen wat U gesê het.

U moet my help om te verstaan, sodat ek kan doen wat U vir my leer en sodat ek daaraan gehoorsaam kan wees met my hele hart.

U moet my help sodat ek graag sal wil doen wat U sê en nie sal kies om ryk te word nie.

Dit was vir my goed dat U my laat swaarkry het, want so het ek geleer wat u wette sê.

Toe dit sleg gegaan het met my, het u woorde dinge verander vir my, want die dinge wat U belowe het, het my laat aanhou lewe.

U moet my laat lewe soos u gebooie sê, want dit is vir my lekker.

U moet vir my leer wat u wette beteken, sodat ek altyd kan doen wat die wette sê.

Ek smelt weg van die pyn, U moet my regop hou, soos U gesê het.

Ek is baie lief vir die dinge wat U vir my leer, ek dink die hele dag daaroor.