Gewilde Bybelverse vanaf Locya 23

Deel

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Maniring si Yeso jya am, “Ko pa ciring jimo am macihza ka jyaken sicyaraw eya mangay do teyngato.”

Meyratateng am maniring ori ji Yeso am, “Mo Yeso, no si ipirwa ka mai a meypanirsirngen am manakem mo yaken an.”

Meyratateng am amlololos si Yeso a manci no, “Mo Ama, itoro ko jimo o pahad ko.” Teyka na o ciring na am mazavat o inawan na.

Makaranes sira do angayan da ngaranan da Yanga no oo no tao am padketen da dang si Yeso do jyojika a kapadket da so rarwa ka meyraraten a tao. O asa am amyan do wanan na. O asa am amyan do ozi na.

Aknamen na o mararaw am todabo o araw a kapeysarisari na no karatayan mangay do ikatlo na vatvatek do makoyab. Mina todapising o myan do rako a panaralayan a nibengbeng da sya rako a milakayob.

Macita na no panirsirngen da no itaysang no Loma o aro a vazay am iraralay na si Ama ta do to a manci no, “Manoyong o tao eya ji meyraraten an.”