Gewilde Bybelverse vanaf Bambata Pai 1

Deel

Mbori ki ya, “Ani fú boro ni kpiarani, wa kina rani; i zógo atĩo baime, na azire ari, na agu anya nga zogozogo ra, na kpotosende dunduko na agu agbiro dunduko nagbe tira sande.” Mbori ki fu boro ni kpiako, kpia Mbori Mbori afu ko ni; kumba na de ko afu yo.

Mbori ki fu maku fu yo, Mbori ki ya fu yo, “Oni zúga azuga, ki nge ange, ki hisi kpotosende berewe ki zogo ho; ki nikindo auru agu atĩo du baime yo na auru azire ari na gu unga anya dunduko nawo awo auru kpotosende.”

Ho rago aenge ni Mbori afu ngbangbaturũ na kpotosende.

Kpotosende ki du ni ku he ni kina kungba ha, kina bitimo ki du auru dudungura rago dunduko; ga Mbori Toro ki niyanga ayanga ri aime.

Mbori ki ya, “Imarago dú adu”; imarago ki du.

Mbori ki bi agu ahe dunduko ko amangi he, oni ngére, si ki du ni wene he gbe. Nyemu ki du na wiso, si ki ngia sita uru.

Mbori ki bi imarago ya si ni wene he; Mbori ki kpara imarago ti bitimo.

Mbori ki ya, “Oni ngére, mi fu ngbatunga rũkurũku ahe dunduko fu roni namaa tungaha du auru kpotosende dũ, na agu angua dunduko nazuka zuzuhe nga gu du na tunga rogo ho; si adú fu roni ni riahe.

Mbori ki yambu rimo imarago nga Uru, ko ki yambu rimo bitimo nga Yuru. Nyemu ki du na wiso, si ki ngia bambata uru.

Mbori ki ya, “Ari dú adu bebere aime, ka kparaka ime ti ime.”

Mi fu ngbatunga kpe kurukuru ahe dunduko ni riahe fu agu anya du auru kpotosende dũ, na fu agu azire ari yo dũ, na fu agu agbiro dũ nagbe tira sande nga agu ra du na unga dunduko.” Si ki du wo.

Mbori ki ya, “Imaahe dú rogo gu ariyo nga ga ngbangbaturũ ka kparaka uru ti yuru; si dú tipa yuguyugupai a na tipa regbo ahe na tipa arame na tipa agarã

Mbori ki ya, “Kpotosende dunduko bátika kurukuru ahe, nga agu rũkurũku ahe namaa tungaha, na agu angua nazuka zuzuhe du na tungaha rogo ho ngba arikaha.” Si ki du wo.

Mbori ki fu ari ki kparaka gu ime nadu tii ari ti gu ime nadu ku ri ari. Si ki du wo.

Kpotosende ki batika kurukuru ahe nga agu rũkurũku ahe namaa tungaha ngba arikaha, na agu angua nazuka zuzuhe du na tungaha rogo ho, ngba arikaha. Mbori ki bi he ya si du ni wene he.

Mbori ki fu gu bakere imaahe du ue, gu bakere he ka zoga uru, na gu umba imahe ka zoga yuru; ko ki fu akerekuru a.

Mbori ki ya, “Gu ime du tii ngbangbaturũ si dúngura tihe ku rogo ba sa, ugu rago kúru.” Si ki du wo. Mbori ki yambu rimo ugu rago nga Kpotosende, ko ki yambu rimo gu dunguradungura ime nga Baime. Mbori ki bi he ya si ni wene he.

Mbori ki fu maku fu ra, ki ya, “Oni zúga ki nge ange ki hiki gu ime du rogo abaime yo, azire ningé ange ku auru kpotosende a.”

Mbori ki ya, “Kpotosende bátika unga anya ngba arikara: nga zogozogo anya na agu ra nagbe tira sande na anya nvuo nga ga kpotosende ra ngba arikara.” Si ki du wo.

Mbori ki ya, “Ime bátika agu agbiro kpaima nawo awo du na unga ni dungu ra, azire ki guku auru kpotosende rogo gu ariyo nga ga ngbangbaturũ.”

Mbori ki fu agu anya nga ga kpotosende ra ngba arikara, na agu anya nga zogozogo ra ngba arikara, na agu agbiro dunduko nagbe tira sande ngba arikara. Mbori ki bi he ya si ni wene he.