Gewilde Bybelverse vanaf Yohani 4

Deel

UwenʼuMulungu Mupepo, vonti lelo ve vakuputa kukwakwe ve pakuti vaputaje namwa Mupepo wa muhati namuzya nalyoli.

Ahenʼahavalilizyo nyene he hakwinza, nashinishi halipo, pe vonti ve vakuputa imputo zya nalyoli ve valiputa kwa Tata namwa Mupepo wa muhati namuzya nalyoli. She wope nuTata akwanza ukuti vavanje vovulo venga vakuputa kukwakwe.

Nkandʼuno wengʼakungʼwelʼaminzi genga nkumupʼine, wʼataliyumilwa nalumo ndali, aminzi gugo ge nkumupʼine, ge gakuyipelʼukuvʼishiduda sha minzi mumwakwe, ge gakuduvuha gakuvalʼukufiha nakuvulanzi vwa shimashima.

UwenʼuYesu ahamula ahamuvuzya ahati: Upele washimanyile ishikunjilwa sha Mulungu, upele wamumanyile nuno wʼakuyanga kukwaho shinishi akuti: Nampa gamo, ngʼwele, pe nkandi ulaṿile wenewe kukwakwe, uwene pe nkandi akupiyʼaminzi amalanzi wuyo.

UwenʼuYesu ahavavuzya ahati: Vwe ṿintʼine ṿwa kulya, inga nkuvomba zizyo zyʼakasime wuyo wʼantumilʼine, inga nkumalilizyʼimbombo yakwe.

Pʼahamulʼumwantanda ahati: Mwene, nishitapilo ute nasho iwe, nishifula ishi shiviye. Gakufuma kwi lelo aminzi amalanzi gʼukutaha?

Umwantanda ahamuvuzya ahati: Nane manyile ukutʼakwinzʼuMesiya, we vakuti wʼuChilisiti. Inga lumo ingʼayinzile wuyo, pʼuwene alituvuzya zyonti. PʼuYesu ahamuvuzya ahati: Nkwe nene, ne nkuyanga nawe.

Nzagaji, mwenyʼumuntu wʼambuzizye gonti ge ntazile. Amwe ate wʼuChilisiti wuyo?