Gewilde Bybelverse vanaf Matteus Matteus 18

Deel

Want waar twee of drie in my Naam bymekaar is, daar is Ek in hulle midde.

Weer sê Ek vir julle, dat as twee van julle op aarde saamstem oor enigiets wat hulle sal vra, dit vir hulle gedoen sal word deur my Vader wat in die hemele is.

En Jesus het 'n kindjie na hom geroep en hom in hulle midde gesit, en gesê: Voorwaar Ek sê vir julle, as julle nie bekeer word en soos kindertjies word nie, sal julle nie in die koninkryk van die hemele ingaan nie.

Elkeen dan wat homself verneder soos hierdie kindjie, hy is die grootste in die koninkryk van die hemele.

En elkeen wat so 'n kindjie in my Naam ontvang, ontvang My.

Voorwaar Ek sê vir julle, alles wat julle op die aarde mag bind, sal in die hemel gebonde wees; en alles wat julle op die aarde ontbind, sal in die hemel ontbonde wees.

So sal my hemelse Vader ook aan julle doen as julle nie elkeen sy broer sy oortredinge van harte vergewe nie.

Maar wie een van hierdie kleintjies wat in My glo, aanstoot gee, dit was beter vir hom dat 'n meulsteen aan sy nek gehang word en dat hy in die diepte van die see verdrink het.

Hoe dink julle? As iemand honderd skape het, en een van hulle het gedwaal, laat hy dan nie die nege en negentig agter en gaan na die berge en soek wat gedwaal het nie?