Gewilde Bybelverse vanaf Genesis 1

Deel

Sinani Bangara sa ngeoro, <<Aria ita mata joyjuni boysi te nanaziae dia, me seva ita, no oyra moyra matani oyra koete te masi no oyra roroko te maloykanae, oyra pita pupura ka kapo no oyra moyra matani vodu ni te lua, no oyra pita tu ka qaqara te lua.>> Si, Bangara sa vaporo boysi te nanaziae tani, Te nanaziae Bangara oye sa vaporo oye: Leike no quole tani sa vaporo oyru.

Bangara sa manani oyru no sa voy goyti te kue oyru, <<Mibu vere vataba no mibu zadava; mibu vapoda vodu ni te lua no mibu kinikini. Mam matani oyra koete te masi no oyra roroko te maloykanae no taba oyra pita tu ka qaqara te lua,>> sa voy.

Te tototua Bangara sa vaporo rani no vodu ni te lua.

Sinani vodu ni te lua korovita zari vo adoa no sa pasa, remini sa sapene sarapokae kuolo lata, no potae Bangara sa nukoro te sarapokae luka.

No Bangara sa ngeoro, ‘‘Me takabula me tavata,’’ no tavata sa takabula me.

Bangara sa mia taba pita oye sa joyjuni, no sa noyi sua. No sa vilu la, no sa saruku me. Oye ta vaunomoa tava.

Bangara sa mia tavata sa noyi, no oye sa veleike tavata no remini.

Sinani Bangara sa ngeoro, <<Aro me koyna ram taba adoa doyra oyra pita titiba te sarapokae vodu ni te lua no taba oyra azu sa zari petae sa kuo poytua. Me mina pitanaki.

Bangara sa kelekini tavata, <<Tava,>> no remini oye sa kelikini <<Kose.>> No sa vilu la no sa saruku me. Oye ta tava kinakasua.

No Bangara sa ngeoro, <<Me takabula me maloykanae, te arakaluboroa luka no me veleke vakeri luka.>>

No te kue oyra pita peru te vodu ni te lua no oyra roroko te maloykanae no oyra pita tu ka qaqara te lua-taba oyra pita ka pale ngasapuae tu- Aro me koyna oyra pita titiba tutu me doyra pitanaki.>> No sa voto.

No Bangara sa ngeoro, <<Me kuo oyra tavata te maloykana ni rani voy moyra ota tava no kose, soy moyra vatere zoa doyra oyra sada poyu no oyra tava no oyra ave

Sinani Bangara sa ngeoro, <<Me puotoa me taba adoa pita titiba te vodu ni te lua: oyra pita titiba me zari poytua doyra no taba adoa oyra azu moyra kuo te vodu ni te lua me zari poytu te petae doyra.>> No sa voto.

Sa voy ta oye, Bangara sa joyjuni maloykanae no sa veleike luka te sarajuoloa maloykanae te luka sa kuo te sarapokae maloykanae. No sa voto.

Vodu ni te lua sa puotoa me pita titiba: taba adoa oyra pita titiba sa zari poytua te taba adoa doyra no oyra azu sa zari poytu te petae doyra te taba adoa doyra. No Bangara sa mia oyra pita oye sa joyjuni sa noyi.

Bangara sa joyjuni keri tavata poyu- tavata sa poyusua me matani tava no tavata sa soi me matani kose no oye sa joyjuni vele oyra sisiriputu.

No Bangara sa ngeoro, <<Me araququni keike to ngoyni luka sa kuo te sarajuoloa rani, soy me takabula lua kava.>> No sa voto. Bangara sa kelikini lua kava <<vodu ni te lua>> no luka sa kuo araququni oye sa kelikini <<masi.>> No Bangara sa mia pita oye sa joyjuni sa noyi.

Bangara sa manani oyra no sa voy, <<Mam vere vataba no mam zadava no mam vapoda luka te masi, no oyra roroko moyra zadava te vodu ni te lua.>>

No Bangara sa ngeoro, <<Moyra puoqele me te vodu oyra pita ka tu te taba adoa doyra: oyra pita pupura ka kapo, oyra pita tu ka qaqara te lua, no oyra pita peru, te taba adoa doyra.>> No sa voto.

No Bangara sa ngeoro, <<Me takabula me te luka taba nanaziae doyra oyra pita ka pale tu, no oyra roroko moyra reri te sarapokae vodu ni te lua te maloykana ni rani.>>

Bangara sa joyjuni oyra pita peru te taba adoa doyra te vodu ni te lua, oyra pita pupura ka kapo te taba adoa doyra, no taba oyra pita tu ka qaqara te lua te taba adoa doyra. No Bangara sa mia pita oye sa joyjuni sa noyi.