Gewilde Bybelverse vanaf Kesikpɛkpɛ 1

Deel

Kɛlɛ Owusoso Akaa aɖɔ asɛ, "Nɔkɔ bɔ bhɛtɛ anɔdzrame nɛ bɔlɔ telɛlɛ mɛ, tɛ baŋã akpaa nɔ nɛ bulĩkekpuɔ mɛ, bɔzhɔɛ nɔ nɛ kɛlɛɛ nɔ mɛ, bɔpã mɛ baagã nyɔ̃ɔ nɛ kesiakpa nabha, nɛ baagã nyɔ̃ɔ gɛ beetsì nɛ kesiakpa." Kliso Owusoso Akaa ebu anɔdzrame nɛ Owusoso Akaa yɛ tezazã mɛ-anyɛ nɛ adzɛ yebu balɛ.

Owusoso Akaa eyula tɔɖɔ balɛ kɛlɛ aɖɔ etseɖe balɛ asɛ, "Noyu tɛ nɔmɔ tɔɖɔ; no yuku kesiakpa mɛ tɛ nɔmɔ ohumi nɛ kalɛ abha. Nɔŋã kɛlɛɛ mɛ bɔzhɔɛ nɔ nɛ baagã gɛ beetsì nɛ kesiakpa petee nabha."

Nɛ kesikpɛkpɛ mɛ, Owusoso Akaa ebu kesi nɛ̀ kabha.

Kesiakpa azã tsyakpãtsyakpã, kɛlɛ kazã akpakpá, kɛlɛ otumũ ɔdã kalɛ kelĩ dzudzu nabha, kɛlɛ Owusoso Akaa ɔfɔfuía nɔ asanda nɛ buli na amɛ.

Kɛlɛ Owusoso Akaa aɖɔ sɛ, "Kifu kueyi," kɛlɛ kifu kueyi.

Owusoso Akaa amɔ asɛ kɛkanyiaka gɛ abhɛtɛ apɛ piapii. Kɛlɛ ɔwlago ɔzɔ ɔba kɛlɛ kɛvɔlɔ ɔzɔ ɔba-kiwui holomiɛ.

Owusoso Akaa amɔ asɛ kifuɔ pɛ, kɛlɛ ebu kifuɔ ɔtɔ nɛ otumũɔ shu.

Kidegba Owusoso Akaa aɖɔ asɛ, "Ɛlɔkɔ tɛwa gɛ tiiyu pɛ beeyi akpasɛ balɛ mɛ nɛ kesiakpa nabha nyɔɔ, nɛ̀ busi kanyiaka gɛiyu pɛ beeyi akpasɛ balɛ mɛ akɔ wɔnɔ. Bedzi wɔnɔ ayɛ asɛ bɔŋaŋã ana.

Owusoso Akaa ekulu kifúɔ asɛ "kelizaza," kɛlɛ ekulu otumũɔ asɛ "elishi." So ɔwlago ɔba, kɛlɛ kɛvɔlɔ ba-kɛlɛ dzi kiwiɛ gɛiputɔ.

Kɛlɛ Owusoso Akaa aɖɔ asɛ, "Kɔ ɔzãkɔ zã bulĩ nɛishi tɛ kidzo bu nɛ bulĩ neishi."

Kɛlɛ kifutu mɛ baagã nyɔ̃ɔ nɛ kesiakpa nabha nɛ bɔzhɔɛ nɔ nɛ kɛlɛɛ nɔ mɛ nɛ baagã kanyiaka gɛ beetsì nɛ kesiakpa-kedɔ kanyiaka gɛ ofɔfuia ɔkpasɛ kɛlɛ mɛ-ɛlɔkɔ tɛwa kanyiaka kɔ asɛ bɔŋaŋa." Kɛlɛ kɛba ɛlɛ mɛ ana.

Kɛlɛ Owusoso Akaa aɖɔ asɛ, "Kifu kueyi nɛ kɛlɛɛ nɔ mɛ tɛ ebu kidzo akpɛ kelizaza nɛ̀ elishi nɛishi, tɛ bedzi kɛwɔ̀ akɔ ekukù nɛ ekpe, nɛ ewuie nɛ agɔ

Kidegba Owusoso Akaa aɖɔ asɛ, "Kɔ kesiakpa ebu ayakpa-tɛwa gɛiyu eyuyu, nɛ̀ isi ediedi gɛiyu eyuyu pɛ beeyi akpasɛ balɛ mɛ nɛ kesiakpa naabha." Kɛlɛ kɛba ana.

Kliso Owusoso Akaa ebu kidzo kpɛ kesiakpa bulĩɛ nɛ kititi bulĩɛ nɛishi. Kliso kɛba ɛlɛ mɛ ana.

Kesiakpa ebu ayakpa: tɛwa gɛiyu beeyi gɛ ashɔ̃ nɛ balɛ, nɛ̀ beesi ediedi gɛiyu eyuyu pɛ beeyi akpasɛ balɛ mɛ gɛ ashoɔ̃ nɛ balɛ. Kɛlɛ Owusoso Akaa amɔ asɛ apɛ.

Owusoso Akaa abhɛtɛ kani taabha-kani gbagbla tɛ aŋa kelizaza nabha kɛlɛ kani bhuli nɔ tsyɛ tɛ aŋa elishi nabha. Abhɛtɛ awɔɛ tsyɛ.

Owusoso Akaa sɛ, "Kɔ bulĩɛ nɛ kɛlɛɛ nɔ mɛesiɛ eshogo nɛ ɔkɔ tenikpo tɛ kesiakpa kpakpa ekoeyi." Kɛlɛ kɛ ba ɛlɛ mɛ ana. Owusoso Akaa ekulu kesiakpa kpakpa nɔ asɛ "kesiakpa," kɛlɛ ekulu bulĩɛ gɛ eshogoɔ asɛ "bulĩkekpu." Kɛlɛ Owusoso Akaa amɔ asɛ kɛgɛ ebuɔ apɛ.

Owusoso Akaa eyula tɔɖɔ baagã kɛlɛ aɖɔ asɛ, "Noyu tɛ no kpe tɔɖɔ tɛ noyuku bulĩɛ nɛ bulĩkekpuɔ mɛ, tɛ bɔzhɔɛ nɔ tsyɛ mɔ́ tɔɖɔ nɛ kesiakpa nabha."

Kɛlɛ Owusoso Akaa aɖɔ asɛ, "Kɔ kesiakpa bu baagã nɛ balɛ tɛzazã mɛ-bɔpã mɛ baagã, baagã gɛ beetsì nɛ kesiakpa, nɛ kifutu mɛ baagã, ediedi nɛ balɛ tɛzãzã mɛ." Kɛlɛ kɛba ɛlɛ mɛ ana.

Kɛlɛ Owusoso Akaa aɖɔ asɛ, "Kɔ bulĩɛ bu kelĩ mɛ baagã, kɔ bɔzhɔɛ bupruɖu nɛ kesiakpa nabha nɛ kɛlɛɛ nɔ mɛ."

Owusoso Akaa abhɛtɛ kifutù mɛ baagã nɛ balɛ tɛzãzã mɛ nɛ̀ bɔpã mɛ baagã nɛ balɛ tɛzãzã mɛ, nɛ baagã gɛ betsì nɛ kesiakpa nɛ balɛ tɛzãzã mɛ. Kɛlɛ Owusoso Akaa amɔ asɛ apɛ.