Gewilde Bybelverse vanaf Psalms 119

Deel

U Woord wys my presies hoe ek moet leef, soos ’n helder lig skyn dit op die donker pad waarop ek stap.

Moet asseblief nie dat ek u wonderlike pad misloop en begin sonde doen nie. U Woord is diep in die brandkluis van my hart weggebêre. Dit keer dat ek dinge doen waarvan U niks hou nie.

Hoe kan ’n jongmens leef soos U wil hê? As hy alles doen wat U sê.

God hou baie van jou as jy sy woorde diep in jou hart bêre en elke dag jou bes doen om Hom gelukkig te maak

By U kruip ek weg, want U is baie sterk, U pas my goed op. Ek wag op u Woord om my sterk te maak.

Verander my manier van dink; maak my gedagtes vol met u wet! Dan sal ek heeltyd doen wat U sê.

Help my om net aan U te dink sodat ek nie agter geld aanhardloop nie.

My swaarkry het my geleer om mooi na U te luister.

In slegte tye hou u beloftes my aan die gang.

Laat my elke dag op die pad loop wat U voorskryf, want dit maak my baie gelukkig.

Here, wys my wat U van my verwag, dan sal ek tot aan die einde van my lewe net doen wat U vra.

My lewe is vol bekommernis. Help my tog om u hand styf vas te hou. En gee vir my krag.

Ek kan nie vir U sê hoe lief ek vir al u voorskrifte is nie! Ek dink dag en nag daaroor.