VerlossingVoorbeeld

Hoe het Jesus gesterf?

Jesus is deur die Joodse leiers aan die Romeine oorhandig om gekruisig te word volgens God se plan, al het Hy niks verkeerd gedoen nie.

Is jy al ooit beskuldig van iets wat jy nie gedoen het nie? Miskien het jy daarvan kennis gedra — miskien nie. Miskien weet jy wie dit gedoen het — miskien nie. Jy weet egter dat jy dit nie gedoen het nie.

Om van iets beskuldig te word wat jy nie gedoen het nie kan baie frustrerend wees — en jou selfs kwaad maak.

Weet jy dit is presies wat met Jesus gebeur het? Hy het in die wêreld gekom as die volmaakte, sondelose Seun van God. Hy het die wêreld liefgehad en wou dit kom red. Hy het niks verkeerd gedoen nie. Dit het egter nie saak gemaak nie. Hy is nogtans beskuldig, aangekla en gestraf. Hy het dit alles vir ons gedoen.

Toe Jesus na Jerusalem gegaan het om die goeie nuus bekend te maak, is Hy deur die Joodse leiers gearresteer en aan die Romeine uitgelewer. Alhoewel die Romeinse owerhede geweet het dat Hy onskuldig is, het hulle hom oorgegee om soos 'n krimineel gekruisig te word. Praat van ironie! Die enigste sondelose persoon wat ooit geleef het, is gestraf soos 'n krimineel.

Al het Hy niks verkeerd gedoen of gesondig nie, het Jesus die wêreld se sondes op Hom geneem. Die sondelose een het sondig geword. Die regverdige een het onregverdig geword.

Jesus het vrywillig gely vir dinge wat hy nie gedoen het nie. Hy het vir jou gely.

Dit is hoe baie God ons liefhet. Dit is die groot uitruiling. Die sondelose sterf vir die sondaars; die regverdige vir die onregverdiges; die heilige vir die goddeloses.

Bestee vandag 'n bietjie tyd om God te dank vir sy groot opoffering en sy liefde vir jou. Vra Hom om jou te wys hoe om Hom ten volle lief te hê.