VerlossingVoorbeeld

Wat beteken Jesus se dood vir die wêreld?

Omdat Jesus gesterf het, is sonde oorwin en kan almal wat glo vergifnis ontvang vir hul sonde en met God versoen word.

Verbeel jou jy volg die storie van 'n held — 'n opwindende drama vol liefde, avontuur en misterie — een wat jou heeltyd op die punt van jou stoel hou en dit raak net al beter. Daar is opwinding om elke hoek. Dan, ewe skielik ... sterf die held! Ag nee, wat nou?

Hoe op aarde kan die storie so verloop? Hoe op aarde kan dit ooit as 'n goeie storie bestempel word?

Selfs nog skokkender ... wat as die storie die held se dood voorhou as die oomblik van groot oorwinning, van liefde, van redding?

Hoe kan dit tog enigsins sin maak?

Tog is dit natuurlik, die Bybelverhaal. Die groot oomblik van oorwinning, van liefde, van redding vind plaas wanneer Jesus aan die kruis sterf.

Waarom verloop die verhaal dan so? Wat word deur Jesus se dood bereik?

Dit kan baie moeilik wees om te verstaan hoe Jesus se dood goeie nuus is as jy die belangrike sleutel tot die verhaal miskyk. Alhoewel hedendaagse boeke en rolprente vol is van helde wat problematiese skurke en bose ryke oorwin, is die groot probleem in hierdie storie — ons verhaal — sonde. Die enigste oplossing vir sonde is dat iemand dit moet hanteer. Die enigste oplossing vir sonde is juis dat God iemand moet veroordeel om daarvoor te sterf.

Dit is wat met die kruisiging gebeur het. Dit is wat Jesus se dood tot gevolg gehad het — Hy het as plaasvervanger vir ons opgetree. Soos Paulus dit in Romeine 8:3 stel, het God die sonde van die hele wêreld in sy Seun, Jesus veroordeel, sodat almal wat in Jesus glo, se sonde vergewe word en hulle die ewige lewe kan hê!

Dit is hoe die dood die beste nuus kan wees. Dit is hoe die dood kan triomfeer.

Staan vandag tyd af om God te dank vir sy Seun wat Hy aan ons geskenk het.