Die moed om jouself te weesVoorbeeld

God keur jou goed

“‘Die Here sal vir jou goed wees en vir jou sorg. Die Here sal jou raaksien en vir jou sy liefde gee. Die Here sal jou goedgesind wees en vir jou voorspoed gee.” - Numeri 6:24-26 NLV

Ons moet woorde van bemoediging oor mense spreek. Ons moet die seëngebed van Numeri 6:24-26 weer laat herleef: Die Here sal vir jou goed wees en vir jou sorg. Die Here sal jou raaksien en vir jou sy liefde gee. Die Here sal jou goedgesind wees en vir jou voorspoed gee …

Met ander woorde, God glimlag oor jou. Dink daaroor. Elke keer as jy glimlag vir iemand, sê jy vir hulle: “Ek keur jou goed. Ek aanvaar jou. Jy is wonderlik.”

God keur jou nie net goed nie, Hy glimlag oor jou. Hy is lief vir jou! Jy moet dit so diep in jou hart vasmaak dat niks dit ooit van jou kan wegneem nie.

Wanneer jy in God se liefde geanker is, gaan Hy jou help om op te staan in geloof en in gehoorsaamheid na Hom toe te stap. Maar jy kan nie vir God vooruit gaan en goeie werke op jou eie begin doen nie. Jy moet die Woord ken sodat jy weet wie jy in Christus is.

In Psalm 18:20 sê Dawid: “Die Here het my lief”. Dawid was nie perfek nie maar hy het geweet God is tevrede met hom en het hom lief. God is tevrede met jou ook. Hy glimlag oor jou en het jou baie lief. Hy keur jou goed!

Gebed:

Here, dankie dat U my baie liefhet en met my tevrede is. Dankie dat U glimlag oor my. U liefde het my lewe verander en ek weet dit sal net aanhou namate ek in U groei. Amen.