لشهر مارس؛ رحمات جديدة كل صباحعينة

تم تصميم العبادة الجماعية باش عاوتاني توضّح ارتباكنا فاش كيتعلّق الأمر بكل ما هو مهم بالحق في الحياة.

هاشنو خاصنا كلنا نفهموه. في هاد الجانب من الحياة الأبدية، صعيب علينا بزّاف نحافضو في قلوبنا على أهمية شنو الله كيقول أنه مهم. بالنسبة لينا كلنا، الحاجات كتوصل لمستوى أهمية كتر بزّاف من أهميتها الحقيقية وكتبدا تسيطر على أفكار ودوافع ورغبات واختيارات وولاء قلوبنا. وحيت حنا بشر تخلقنا على صورة الله، فحنا ماكنعيشوش بالفطرة. لا، حنا مخلوقات كتقودها قيم، أهداف، قصد، وأهمية. حنا ديما كنعيشو وحنا كنقلبو على شي حاجة. حنا ديما كنقلبو باش نحققو شي رؤية، شي رغبة أولا شي حلم. كل نهار كنقول بلّي هاد الحاجات هي مهمة، وملّي كنديرو هادشي، كنخدمو باش نديرو هاد الحاجات في حياتنا. تقدر تتجادل بلّي كل ما كنديروه وكنقولوه هو محاولة باش ناخدو كل ما هو مهم بالنسبة لينا من المواقف والعلاقات والبلايص اللّي كنعيشو فيها.

هادشي اللّي كنوصفه هو حرب روحية كبيرة بزّاف كتخوضها نتا فوق أرض قلبك. كيما كتشوف، أي حاجة مهمة كتحكم قلبك، هي حاجة كتشكل كلامك وسلوكك. الحقيقة هي أننا كلنا كنتجاهلو اللّي هو بالحق مهم. أننا نربحو شي نقاش كيولّي حاجة مهمة بزّاف لينا. كترتفع أهمية دار زوينة لما هو أبعد من القيمة ديالها الحقيقية. أنك تاخد ديك الترقية اللّي جاية هي حاجى كتولّي مهمة بزّاف. أنك تتمتع بحياة مرتاحة ومتوقعة هي حاجة كتاخد بزّاف ديال القيمة. أن الناس لخرين يبغيونا هي حاجة كتولّي مهمة بزّاف لينا كتر من الرضا ديال الله. الجمال الجسدي والمتعة هما حوايج كياخدو قيمة كبيرة في قلوبنا. سيارة واعرة، طرف ديال لحم كبير، حوايج زوينين، أولا أخر زلافة ديال الحريرة هما حوايج كتزيد قيمتهم كتر من أهميتهم الحقيقية. كلنا كنحتاجو باش نتدكرو مرارًا وتكرارًا شنو علن الله على أنه أهم حاجة في الحياة.

هادشي علاش، في النعمة، الله صممنا باش نجتمعو بانتظام ونتذكرو الحوايج اللّي كتستحق نعيشو من أجلها. العبادة الجماعية كتذكرنا بقوته ومجده ونعمته. كتذكرنا بعمق احتياجاتنا الروحية. كتذكرنا بالحياة الأبدية اللّي جاية. هي كتذكرنا بالنجاة ديال الماضي والحاضر والمستقبل. وهي كتذكرنا بهاد الحاجات، فهي كتمسح الارتباك ديالنا على قيمنا عوتاني، وكتنقد قلوبنا التالفة والمتقلبة في أغلبية الأوقات، وكتوجّهنا للشخص اللّي كيوصّينا بالولاء، وبالنعمة كيعطينا كل حاجة مهمة عمّرنا غنحتاجو ليها.

من أجل دراسة وتشجيع كتر: عبرانيين 10: 19-25