لشهر مارس؛ رحمات جديدة كل صباحعينة

في أي وقت كتشك في حكمة الله أولا كتتخطى حدوده، فنت كتقول لنفسك راك دكي كتر من الله.

هي وحدة من دوك ردود الفعل ديال "دير نفسك في بلاصتك". الله كيتكلّم مع أيوب وكيرسم خط عريض اللّي كيفرّق بين الخالق/المخلوق. هادا هو وصف واعر لجلالة الله وصِغر أيوب. خاصنا نقراو هاد الكلمات مرارًا وتكرارًا:

الرب جاوب أيوب من العاصفة وقال:

"شكون هادا اللّي كيظلم القضاء بكلام بلا معرفة؟ شمّر على دراعك دابا كراجل، غادي نسوّلك، وغتورّيني.

فين كنتي ملّي درت السّاس ديال الأرض؟ قول ليّا إلا عندك فهم. شكون صاوب عبارها؟ راك عارف! أولا شكون عبرها بالخيط؟ على شنو تحطّو القواعد ديالها؟ أولا شكون حط حجر الزاوية ديالها، ملّي رنمات كواكب الصبح مع بعض، وهتفو كل ولاد الله بالفرحة؟

"وشكون سد البيبان قدام البحر ملّي خرج كيجري من الرحم. ملّي درت السحاب بحال لباسه، والضباب قماطه، ودرت عليه حدود، ودرت قدامه حديد وبيبان، وقلت: حتى لهنا تجي وماتفوتش الحد، وهنا يبقا الكبرياء ديال الموج ديالك؟" (أيوب 38: 1-11)

سير لكتابك المقدس وزيد قرا حتى للفصل 40. خلّي قلبك يعمر بالعظمة ديال حكمة الله وقدرته. خلّي روحك ترتاح في خوف من جلاله. وماتنساش شحال نت صغير وضعيف. خلّي نفسك تكون متواضعة بسباب شحال قليلة معرفتك وقليلين الجوايج اللّي تقدر تديرهم. بدا تقبل الفكرة اللّي كتضحّك واللّي ماشي منطقية باش تفكّر بلّي أنه في أي موقف أولا بلاصة أولا علاقة غتقدر تكون دكي كتر من الله. ضحك على الوهم ديال عظمتك. ضحك على الوهم ديال مجدك. وفي الشُّكر المتواضع على النعمة اللّي كتعطي التواضع، سجد وعبد.

ومن بعد تسجد وتعبد، وقف وخدم الله مول المجد الرائع. رفض تشك في إرادته. رفض تخلّي نفسك تضن بلّي حدوده هما ماشي في بلاصة مزيانة. كون شاكر حيت جلالته هو حمايتك، ومجده هو دافعك، ونعمته هي مساعدتك، وحكمته هي اتجاهك. هو دكي كتر مني ومنك بلا نهاية في أحسن أوقات حياتنا.

من أجل دراسة وتشجيع كتر: أيوب 38: 1-42: 46