EFA NANOLOTRA NY FONAO VE IANAO ? 🎶

Fantatrao ve? Ilay hira izay mandeha amin’ny onjampeo amin’ny radio isan-taona rehefa fotoanan’ny Krismasy? Ilay hiran’i Whams, hiran’ny 1984 "Last Christmas." Ny sasany mandefa mafy ny radio rehefa mandeha izany, ary ny sasany dia midradradra, “Tsy izany indray!”

Fa nahoana izany hira izany, izay tsy misy ifandraisany amin’ny Krismasy akory, no manana an’izany fahombiazana lehibe izany? Araka ny traikefako tamin’ny hirako, dia afaka milaza aminao aho fa ny hira manana fahombiazana indrindra dia ny hira izay hahitan’ny olona ny tenany.

Inona ary ny tonon’ilay hira “Last Christmas”? “Nomeko anao ny foko tamin’ny Krismasy farany, fa ny andro manaraka an’iny nefa dia narianao izany.” Maro ny mpihaino no voakasika ao anatin’izany teny izany… miresaka fitiavana tsy nisy valiny ilay hira. Mety nandalo toe-javatra mitovitovy amin’izany angamba ny ankamaroan’ny olona, ary maharary izany.

Mety tena misy ifandraisany amin’ny Krismasy ilay hira, tsy araka ny noeritreretintsika. Tonga teto an-tany Jesosy taona maro lasa izay mba hanome antsika ny Fony, fa mialohan’ny nahaterahany dia nilaza izao tontolo izao fa “Tsy manana toerana ho Anao izahay.”

“Ary niteraka ny Lahimatoany izy, dia nohodidininy lamban-jaza ka nampandriny teo amin'ny fihinanam-bilona; fa tsy nisy nitoerany tao an-tranom-bahiny.” (Lioka 2.7)

Mitohy hatrany ilay hira malaza, “Amin’ity taona ity, mba tsy hitomany aho dia omeko olona special izany.”

Ianao koa dia manana fahafahana hanome ny fonao amin’”Olona Special”, Jesosy izany, amin’ity taona ity! Fantany izany hoe tsy ankasitrahana izany, na izany aza nisafidy ny hijanona teto an-tany Izy, ivelan’ny fitiavana, mandra-paha vitan’ny asa izay nomen’Andriamanitra Azy. "Fa toy izao no nitiavan’Andriamanitra izao tontolo izao…” (Jaona 3.16).

Noho izany, amin’ny fotoana henonao ny hira “Last Chrsitmas”, dia mampahery anao aho… aza tonga dia avadika ny onjampeo. Fa mametraha fanontaniana amin’ny tenanao, “Nomeko an’ilay tena “mendrika azy” ve ny foko? Nomeko an’I Jesosy ve ny foko?

Fahagagana ny fisianao!

P.S. Ny lahatsoratra izay vakiantsika dia nalaina tamin’ny mailaka Fahagagana isan’andro. Raha te hahazo izany fampaherezana isan’andro izany ianao, ary te hanomboka ny 2023 amin’ny fisaintsainana isan’andro, dia manasa anao aho hisoratra anarana ao amin’ny Fahagagana isan’andro.