NY KINTAN’NY FANANTENANA 🌟

Toa tsy mampino hoe tonga sahady ny Krismasy! Tiako loatra izao vanim-potoana anatin’ny taona izao, miaraka amin’ny hatsararana rehetra entiny : ny fotoam-bavaka Krismasy, ny hira mahafinaritra, ilay fientanentanana entiny, ny mason’ny ankizy manjelatra, ny mofomamy vao vita, ny fanaingoana rehetra….

Miresaka fanangoina isika, manana hazo Krismasy koa ve ianao ao an-trano? Matetika isika no mametraka kintana eny amin’ny an-tampon’ny hazontsika, fa efa noeretreretinao ve hoe nahoana no manao izany isika?

Ao amin’ny Matio no hamaky ny tantara ambadik’izany isika "Ary rehefa nandre ny tenin'ny mpanjaka izy ireo, dia lasa; ary, indro, ilay kintana hitany teny atsinanana nialoha azy mandra-pijanony teo ambonin'izay nitoeran'ny Zazakely. Ary nony nahita ny kintana izy, dia nifaly indrindra. Ary rehefa tafiditra tao an-trano izy, dia nahita ny Zazakely sy Maria reniny ka niankohoka teo anatrehany; ary nony efa nosokafany ny fitehirizan-drakiny, dia nanolotra zavatra ho Azy izy, dia volamena sy zava-manitra ary miora.” (Matio 2:9-11)

Ny kintana dia noheverina ho famantarana, mpitari-dalana. Mamirapiratra sy mazava tsara izany ka mora ny nahitana an’i Jesosy!

Ny fisaintsainana an’io tantara io dia mitondra fanontaniana vitsy ao an-tsaina. Inona ny mamirapiratra sy mazava eo amin’ny fiainako, eo amin’ny fiainanao, izay mora hahitan’ny hafa fananantenana, Inona no tena mamirapiratra sy mazava eo amin’ny fiainako, eo amin’ny fiainanao, ka ho hitan’ny hafa mora foana hoe aiza no ahitana ny fanantenana, izay misy an’i Jesosy?

Raha nisy kintana maro toy izany mifanakaiky teny amin’ny lanitra tamin’ny nahaterahan’i Jesosy, dia nanahiran-tsaina an’ireo olon-kendry izany! Toy izany koa, mety ho sahiran-tsaina ny olona raha mino an'i Jesosy isika Kristiana, nefa koa mino zavatra hafa, na hoe miantso Azy ho Tompo isika nefa ny zavatra ety amin’izao tontolo izao no ataontsika loha laharana eo amboniny.

Mamporisika anao aho… raha miteny aminao ireo fanamby ireo, enga anie ka hampisy fiovana mahafinaritra ao anatinao izany! Enga anie ianao hametraka tanjona ao anatin’ny fonao, ny hamela ny ny fahamarinana hamirapiratra mazava tsara, mba hahitan’ny olona ny lalana mankany amin’ny Mpamonjy an’izao tontolo izao!

Mino izany aho anio mihoatra ny hatramin’izay, mila mahita fahazavana mitarika ho amin’i Jesosy ao amintsika ny olona. Izany no afaka hanomezantsika voninahitra ny Mpamonjy antsika anio… minia misafidy ny hanadio izay manakana ny fijerintsika Azy.

Ianao no kintana ilaina, ka mamirapiràta! Mamirapiràta mba hahitan’ireo manodidina anao ny Fahazavany ary hino ny Mpamonjy koa! :-)

Fahagagana ny fisianao!