IMANOELA, MBOLA MIARAKA AMINTSIKA ANDRIAMANITRA

"'Ary noho izany dia ny Tompo no hanome famantarana ho anareo: Indro, hanan'anaka ny virijina ka hiteraka zazalahy, ary ny anarany hataony hoe Imanoela.”(Isaia 7:14)

Vakiantsika matetika io andinin-tsoratra masina io rehefa vanim-potoanan’ny krismasy, kanefa dia avy tamin’ny vanimpotoana tsy nisy idirany loatra amin’izay heverin’ny maro ho krismasy. Mpanjaka anankiroa, Rezin avy ao Aram sy Pekah avy ao Israely, dia nikomy hamely an’ny Joda ary nanapa-kevitra ny hanafika an’ny Jerosalema, nanetsika ny fahatahorana ho faty tao am-pon’i Ahaza, mpanjakan’i Joda (jereo Isaia 7:2).

Ahoana izany no mampifaranaka an’ity andinin-tsoratra masina ity, ny fampanantenana fa hisy zazalahy ho teraka, amin’io fe-potoana io? Tadidio… fa ny fahatanterahan’ny teny fikasana dia tsy tanteraka raha tsy fiton-jato taona taty aoriana!

Fantatrao ve ny tena hinoako? Heveriko fa te hametraka famantarana Andriamanitra tamin’io fotoana io mba hampaherezana ny vahoaka mba hitoetra mafy ao Aminy! Io fampanantenana tsy mampino io no hitondra azy ireo manoloana ny fotoan-tsarotra sy korontana maro. Mandrak’ankehitriny, ny fahatanterahany teo amin’i Jesosy dia tanteraka eo amintsika koa!!

Ho an’ireo olona tamin’izany fotoana izany, io andinin-tsoratra masina io dia midika, “Hisy virjiny hitoe-jaza (any aoriana) ary hahazo zazalahy izy. Ataony hoe Imanoela ny anarany."

"Imanoela" dia midika "Amintsika Andriamanitra". Niaraka tamin’ny olona tamin’izany fotoana izany Izy, tamin’io fotoana io, eny na dia mbola tsy nitranga aza ny zava-drehetra. Ary ho antsika izay miaina taorinan’ny nahatongavan’i Jesosy teto an-tany amin’ny maha olombelona Azy, maty noho ny fahotantsika, niakatra tany an-danitra, dia midika izany fa miaraka amintsika foana Izy, ary amintsika mandrakariva! (jereo Matio 28:20)Ny famantaran’Andriamanitra amintsika dia mbola mitoetra!

Mino izany ve ianao?

Maniry Andriamanitra ny hananantsika fototra izay hampitony antsika amin’izao fotoana izao sy amin’izao vanim-potoana iainantsika izao: "...'Raha tsy mety mino ianareo, Dia tsy ho tafatoetra." (Isaia 7:9) Noho izany, mitoera tsara, momba anao tokoa Andriamanitra! Fahagagana izany! :-)

You are a miracle!

P.S. Ny lahatsoratra izay vakiantsika dia nalaina tamin’ny mailaka Fahagagana isan’andro. Raha te hahazo izany fampaherezana isan’andro izany ianao, ary te hanomboka ny 2023 amin’ny fisaintsainana isan’andro, dia manasa anao aho hisoratra anarana ao amin’ny Fahagagana isan’andro.