NY TANTARAN’NY KRISMASIKO MANOKANA HO ANAO.

Raha tokony ny mailaka mahazatra no alefako anio, dia te hizara aminao tantara fohy niainako aho taona vitsy lasa izay.Mety tantara tianao hozaraina amin’ny fianakavanao amin’izao vanim-potoanan’ny Krismasy izao izany!

Tonga ihany ny alin’ny Krismasy, ary saika toy ny hoe nihena tampoka vetivety teo ny adin-tsaina tamin’ny fiomanana nandritra ny herinandro vitsy. Ny famirapiratan’ny mason’ny ankizy dia maneho fa efa akaiky ny fotoana. Saika ny tanàna rehetra no tafavory manatrika fotoam-pivavahana, ary avy eo, avela manokatra ny fanomezany maro ny ankizy! Antenaina fa ho azon’izy ireo izay efa niriany hatry ny ela.

Niaraka tamin’ny fianakaviany koa i Emily kely tamin’ity andro manokana ity, tao amin’ny fiangonana voaravaka nohon’ny fety, mihaino ny tenin’i Pastora. Niresaka hatrany momba ny Krismasy ho “fetin’ny fitiavana” izy. Araka ny hitany hatreto, dia fetin’ny “adin-tsaina” ho an’ny manodidina azy io vanim-potoana io, fa tsy “fetin’ny fitiavana!” Nanontany tena izy hoe inona no tian’i pastora lazaina tamin’ny teniny. Nahoana no sahirana ny olon-drehetra raha izany, nefa afaka mitia sy ho tiavina izy ireo ?

Rehefa nandao ny fiangonana izy ireo, dia mbola nieriretreritra izany hevitra izany izy. Tamin’izany no nahitany lehilahy antitra iray izay tao an-damosiny. Nanontany azy tsy ampisalasalana i Emily: "Nahoana ianao no irery eto?" Nitsiky taminy ilay lehilahy ary namaly hoe “Irery aho”.

Nisalasala kely Emily dia nandray ny tanany avy eo ary nilaza "Tsy irery intsony ianao. You're not now. Tianao ve ny hisakafo aminay?" Nirotsaka teo amin’ny takolany feno ketrona ny ranomaso, ary namaly izy, "Izany no zavatra tsara indrindra nataon’olona tamiko.”

Teo am-pisakafoanana, nanontany ny mamani Emily sady gaga, "Hosokafanao ihany ve ireto fanomezanao ireto?” Namaly Emily, ny masony mifantoka amin’ilay lehilahy antitra, “Efa manana aho, Neny.”

Mety tsy zavatra hita anaty fanomezana mifono angamba ny zavatra iriantsika fatratra. Angamba efa ela no nitondrantsika ny valin’ny faniriantsika lalina ao anatintsika. Mila manokatra azy fotsiny isika mba hampitàna azy.

Raha mizara ny fitiavan’i Jesosy ianao androany, mety ho fanomezana lehibe indrindra ho anao koa ve izany? 😊🎁

Fahagagana ny fisianao!