MANINONA NO NISAFIDY NY KRISMASY ANDRIAMANITRA

Afaka eritreretinao ve hoe inona no nitranga raha i Eva irery no nanota tao amin’ny zaridainan’ny Saha Edena, ary tsy nahalala ny fahotan’i Eva akory i Adama tamin’izany? Tsy maintsy nampahafantarin’Andriamanitra tamin’i Adama fa tsy maintsy ho faty ny vadiny.

Izao indray, eritrereto hoe ianao no nanota! Tsy misy mahalala ny fahotanao, ary tsy nisy fomba hahafahanao manonitra izany. Raha tsy nohon’ny fahafatesan’i Jesosy teo amin’ny hazo fijaliana, dia ho very ianao.

Na dia tamin’ny fiantombohan’izao tontolo izao, Andriamanitra dia efa nahalala fa ny olona izay nohariany dia tsy maintsy hanota. Izany tsy fankatoavan’izy ireo izany nandratra ny Fony! Fa hatrany amboalohany, dia namirapiratra ny fitiavan’Andriamanitra tamin’ny namoronany fomba hamonjena ny olona Tiany. "Andriamanitra dia fitiavana; ary izay mitoetra amin'ny fitiavana no mitoetra ao amin'Andriamanitra, ary Andriamanitra ao aminy." (1 Jaona 4:16)

Ahoana no nanaovana izany? Nomeny ny Zanany lahy tokana ho faty teo amin’ny toerany - eo amin’ny toerantsika. Jesosy dia afaka maka ny toerantsika satria tsy nahalala ota Izy. Izy no mety ho solontsika, maka ny sazy ho antsika rehetra ! Jesosy -Andriamanitra manontolo ary olombelona manontolo- dia niaina teto amintsika telo ambi-telopolo taona, mialohan’ny nandehanany an-tsitrapo teo amin’ny hazo fijaliana. "Izay, na dia nanana ny endrik'Andriamanitra aza, dia tsy nataony ho zavatra hofikiriny mafy ny fitoviana amin'Andriamanitra, fa nofoanany ny tenany tamin'ny nakany ny endriky ny mpanompo sy nahatongavany ho manam-pitoviana amin'ny olona; "ary rehefa hita fa nanan-tarehy ho olona Izy, dia nanetry tena ka nanaiky hatramin'ny fahafatesana, dia ilay fahafatesana tamin'ny hazo fijaliana” ( Filipiana 2:6-8)

Amin’ity Krismasy ity, dia tian’Andriamanitra aseho aminao amin’ny endriny vaovao ny Fitiavany. Na nanao ahoana na nanao ahoana ny taonanao, tadidio foana fa maty Jesosy mba hahavelona anao!

Mamporisika anao aho hanolotra ny enta-mavesatrao Aminy anio amin’ny alalan’ny vavaka avy amin’ny fonao, ary tsarovy ny soron’ny fitiavany amin’ny andro ho avy. Ny Krismasy dia porofo fa ny Fitiavan’Andriamanitra dia tsy misy fetra!

"'Fa Andriamanitra tsy naniraka ny Zanaka ho amin'izao tontolo izao hanameloka izao tontolo izao, fa mba hamonjeny izao tontolo izao.'" (Jaona 3:17)

Fahagagana ny fisianao!