INONA NY INOANAO MIKASIKA AN’I JESOSY?

"'Ary hoy Jesosy taminy: Fa ianareo kosa manao Ahy ho iza?'" (Matio 16:15)

Izany no fanontaniana napetraky Jesosy tamin’ny mpianany rehefa avy nizara ny hevitry ny “hafa” momba Azy sy ny maha-izy Azy izy ireo.

Fanontaniana izay tena akaiky ny foko koa izany amin’izao vanim-potoanan’ny krismasy izao, satria ny valiny - ny valin-teninao- dia tena, tena manan-danja lehibe.

Azoko an-tsaina Jesosy mandeha miaraka amin’ny Mpianany, ary mifampiresaka izy ireo, tahaka ny ataontsika amin’ny ankohonantsika sy ny namantsika eo amin’ny latabatra fisakafoanana rehefa fotoam-pialan-tsasatra. Tsy mahazatra izany, kanefa isika dia miresaka mikasika ny hafa ary mifampanontany hoe “Ahoana ny hevitrao momba Azy?” Fa naodin’i Jesosy ny resaka, ary raha tokony liana tamin’ny resaky ny “hafa” momba Azy Izy, nanontany mahitsy Izy hoe, “Ary ianao? Iza moa aho hoy Ianao?”

Eny tokoa, Jesosy dia nahalala ny eritreritry ny mpianatra. Ao amin’ny Matio 9:4, dia vakiantsika, "Fa Jesosy nahafantatra ny eritreriny…”. Tsy hoe nanontany Izy satria tsy mahalala…Fa nanontany Izy mba hifampanontany ny mpianatra hoe ahona ny ahitany Azy sy hoe iza Izy ho azy ireo manokana.

Izay inoanao mikasika an’i Jesosy no hanova ny fomba fijerinao eo amin’ny fiainana. Io no mamaritra ny lalan’ny hoavinao rehetra.

Nivoaka ny vavan’i Petera ny valiny: "..Hianao no Kristy, Zanak'Andriamanitra velona..'" (Matio 16:16), ary nahafaly an’i Jesosy ny fahatsapany. Namaly an’i Petera Izy hoe : “...Sambatra ianao, ry Simona Bar-jona; fa tsy nofo aman-drà no naneho anao izany, fa ny Raiko Izay any an-danitra.” (Matio 16:17)

"Mesia" dia midika hoe “mpanavotra nampanantenaina”. Angamba feno alahelo ny taonanao tamin’ity, ary ny hoavy dia mbola tsy fantatra hanao ahoana. Mety manana olana ianao mahita an’i Jesosy ho ilay Mpamonjy nampanantenaina, noho ireo fangirifiriana izay iainanao. Raha izany, manasa anao aho hangataka amin’Andriamanitra ilay Ray any an-danitra mba haneho izany aminao, tahaka ny nataony tamin’i Simona Petera.

Ahoana ny fomba angatahanao? Amin’ny alalan’ny vavaka! Mangatàha amin-pahatokiana fa mihaino anao Andriamanitra ary hanokatra ny varavarana ho anao Izy (jereo Matio 7:7). Fa nahoana? Satria tiany ianao!! (jereo Jaona 3:16)

Eny, “mifalia, mifalia! “Tonga” Imanoela ho anao, ho ahy… ho an’izao tontolo izao! :-)

Fahagagana ny fisianao!