लुका 8 मधील लोकप्रिय बायबल वचने

सामायिक करा

मेन अ़नुवाक बाखादा छुक्‍ताओ बिउचि मोङा ओ: साङ्‌आ निनाम्‍हाङ्‌ओ अ़चुय़ङ अ़नुवाक खोन्‍कि सेङ्‌याङ्‌ओ साकोङ्‌वाआ एनुकि निनाम्‍हाङ्‌ओ अ़चुय़ङ अ़मिन्‍मादा मित्‍तु खोन्‍कि हुङ्‌याङ्‌सा ब़द्‍धे अ़सिवा सिसु।

त़ङ्‌खोक्‌वालादा म़छुक्‍ताओ बिउचि ओचिङा ओ: साङ्‌आ निनाम्‍हाङ्‌ओ अ़चुय़ङ एनु, मेन मो म़ह़ङ्‌याङ्‌हिदा हेन्‍खामादाओ मिन्‍राक्‌चि, चासुम्‍छेन्‍बि खोन्‍कि अ़चुताकावा युङ्‌माचामाआ उप्‍तुदिसुचि, खोन्‍किना मोचिओ अ़चुसिवा चात्‍मा अ़ऱनिन।

लुङ्‌खावादा म़छुक्‍ताओ बिउचि ओङा ओ: साङ्‌आ निनाम्‍हाङ्‌ओ अ़चुय़ङ एनुकि अ़ऩङानुयाङ्‌सा मो लोउ। मेन मोसोओ अ़भेन अ़मेत्‍तुन्‌ओसा मोसाआ निनाम्‍हाङ थुत्‍मेत्‍लो ओन्‍ङा साकोङ्‌छ़ङ मु, मेन चिन्‍माखाङ्‌माओ ग़रिदा अ़साकोङ्‌छ़ङ्‌दाङ्‌का देङ्‌ला।

येसुआ अ़चुकाखेङ्‌पाचि म़लोचि, “खाउ, आम्‍नुओ साकोङ्‌छ़ङ?” मोचि म़क़साकिना दोम्‍तुदोचि खोन्‍कि अ़क्‍छा निएदा सेन्‍कासेन म़मुवा, “ओक्‍को साङ ओ? मोवात्‍नि ह़क खोन्‍कि धियाङ्‌वामाआछाङ खोक्‍कोसोओ अ़चुलोमाय़ङ य़ङ्‌चि म़काङ्‌याङ!”

लाम्‌दा छुक्‍ताओ बिउआ दि खाङ मुसुनालो साङ्‌चिआ निनाम्‍हाङ्‌ओ अ़चुय़ङ अ़एन, मेन सैताना ताकि अ़चुसाकोङ्‌वादाङ्‌का निनाम्‍हाङ्‌ओ अ़चुय़ङ ङाप्‍तुखात्‍तुचि, मोचि साकोङ्‌छ़ङ मुमा ऩऱनिन्‌कि ऩलेत्‍निन।

झारा कुम्‍माय़ङ य़ङ्‌चि म़दात माङ्‌लो झारा सुकुलादाओ य़ङ्‌चि अ़सिन्‌कि अ़खाङ।

हान मो मेत्‍छामाआ कुम्‍मायुङ्‌मा अ़नुनिन्‌नि सिन्‍तुकिना धुन्‌याङ्‌सा ताकि येसुओ अ़चुबुदा बोम्‍सान्‍चिन। खोन्‍कि देकिना मोसाआ येसु नोप्‍तुओ, खोन्‍कि देत्‍नि खोक्‍को नोप्‍तुङुवा नुवाओ दुम झारा म़नाचिओ अ़चुबुदा खालुवा। खोन्‍कि येसुआ मो अ़लोवा, “अ़ङ्‌छा ओ, आम्‍साकोङ्‌छ़ङ्‌आ खाना त़नुसायुङ्‌सा। हान सेवाङ्‌नि खारा।”

खोन्‍किना अ़चुकाखेङ्‌पाचि येसुएह्‍यात्‍नि म़खाराकि ओवात्‍नि य़ङ्‌सा खोक्‍को अ़थिन्‍ता, “काचिन्‍पो, काचिन्‍पो, आन्‍कान वालुम्‍माखात्‍मा मुन्‌येन!” खोन्‍कि येसु म़थिन्‍तालोन्‍ताकि ह़क खोन्‍कि म़धुङ्‌साङाओ अ़लोङ्‌वात्‌चि म़रेन्‍तुचि, खोन्‍कि मोन्‍ग़रिङा सिप्‍ताकि सेम्‍ताखारा।