Известные библейские стихи из MATEO 6

Поделиться

Per nier lâ yquee ihqy laꞌd tzu laꞌd ru rtzoo Dioz mdad no lâ ctzoo gyre cos ni ne me nac xñahzû, no were zdee me gyre ni gayaadz laꞌd.

No leewe, di cu ihqy laꞌd xnahc tedydzé laꞌd cshe, porni dze-cshe gyzac zidnou zrieñ ni cu ihqy laꞌd lee. To to dzé nirieꞌ niru zidnou.

’No leewe gapyaꞌ laꞌd: Na di cu ihqy laꞌd ni gahgü laꞌd o ni goo laꞌd par tedydzé laꞌd; ni di cu ihqy laꞌd lahr ni gutz laꞌd. ¿Dâs‑e ma rsahc xguîlmbahñ laꞌd que guîlroo la, no dâs‑e xcuerp laꞌd ma rsahcu que shab laꞌd la?

Per lii, hor-gyninoy Dioz, güyuꞌ leññ xiryuꞌy no psaagü puert, no günino xTadiꞌ ru nehx zieññ ndruhty; no xTadiꞌ ni rwieꞌ gyre ni rahc ngaꞌdzy, guiscady me lii to xroꞌ ni mos.

Hor-gynino laꞌd Dioz, mod-rieꞌ gynii laꞌd: DTad noꞌ, lii ni nu gybaa, tzuguia ley. Gydzihñ de ni lii rtzooy mdad. Gac ni racladzyiꞌ neꞌ lo guiedzylie, mod-rahc gahcu gybaa.

Bdee ni tedydzé noꞌ dzêrieꞌ.

Psiaaḻladzyiꞌ guîlquie ni nzahby noꞌ, mod-rsiaaḻdadzy noꞌ ni dirquihñ ni rtzoo meññ noꞌ.

No bwieꞌ noꞌ lehdy di ctzoo noꞌ ni ne bêndzab, mazyg byla noꞌ de lo ni nadz. Porni lii we ni rtzoo mdad, no ni beeiyu lee gyreu, no ni tzuguia, tirgahc no gyre dzé ni ziaad. Modé gacu.

’Porni bâḻ rsiaaḻladzy laꞌd ni nadz ni rtzoo meññ laꞌd la, Dioz ni nac xTad laꞌd lee ni nu gybaa, zegahc rsiaaḻladzy me xguîlquie laꞌd

Lâ güieꞌ mayaañ ni rzîbydun lo mbeꞌ; nehx rtzoo maꞌ dziiñ ndziib maꞌ behch, ni nehx rtzoo maꞌ cüsech, ni nehx rgutziaawy maꞌ mbehty leññ daꞌwy; per xTad laꞌd ni nu gybaa rdee ni rahgü yâmaꞌ. ¡Dxiclé laꞌd, ma rsahc laꞌd‑e que mayaañ!

’Na di gyzîbyladzy laꞌd gac laꞌd ṟicü lo guiedzylie-rieꞌ, ru riuꞌ mblaa rahgü no rac-chieñ cos, no ru riuꞌ gübaan rban. Ma mos lâ cutziaawy ni ma rsahc xtâ gybaa, ru di zaḻ tzu mblaa gahgü leeu, no nehx zac-chieñu, no ru di zaḻ tzu gübaan cuan. Porni ru nu ni ma rsahc par laꞌd, wé gahc‑e tzu xguîlmbahñ laꞌd.

’Ndruhty nehx beeiy stzoo dziiñ tohzy no chohp patróṉ; porni nehx beeiy nzobdiidz me no ñahp xpeeiy me gyrop yâme tohzy mdid. To me ñahc ni ne, no sto me ba yac. No mod-wé gahc‑e nehx beeiy gzobdiidz laꞌd Dioz no gyzîbyladzy laꞌd medy zegahc.

Bâḻ Dioz ristziaawy me guix, ni dzêrieꞌ nu lo camp no cshe yqueꞌ gue lee leññ horn, ¡dxiclé laꞌd, ma gdee Dioz ni yquihñ laꞌd‑e, nîcze uxiee rlíladzy laꞌd leeme!

Per lii, hor-gacnoy meññ-nehx rahp ni tedydzé, ptzoo leeu ngaꞌdzy gá lehdy di gann ndruhty. Mod-wé ndruhty nehx zann bâḻ gacnoy; no xTadiꞌ ni rwieꞌ gyre ni rahc ngaꞌdzy, guiscady me lii to xroꞌ ni mos.

’¡Gax lâ gann, na di gac laꞌd beeiy meññ-tziaawy porni riuꞌladzyt güieꞌ meññ ni mos ni gatzohd! No bâḻ ctzoo laꞌd ze la, xTad laꞌd ni nu gybaa mbehty nehx zdee me laꞌd.

’Hor-ctzoo laꞌd ayun, na di ctzutrixd lo laꞌd beeiy meññ-ne meññ-tziaawy lee nîcze nehx uliu; rtzutrixd lo yâme lehdy güieꞌ meññ gatzoo yâme ayun. Gapyaꞌ laꞌd ni uli, no niwéhzy‑e ba güyuꞌ cuentu. Lii hor-ctzooy ayun, güluhñ ihqy zaꞌgndzi no güdihby loꞌy, lehdy di gann meññ bâḻ gatzooy ayun, mazyg nunzy xTadiꞌ gannu, ni nu ru nehx rwieꞌ ndruhty; no xTadiꞌ ni rwieꞌ gyre ni rahc ngaꞌdzy, guiscady me lii to xroꞌ ni mos.