Mavhesi emuBhaibheri Ane Mukurumbira kubva kuna Wambeela 3

Pakurirana nevamwe

Mwihiyana ahoonaga wi yoovaha ya muthanko ole yaali yoodhiva ni yapama vowoona, ni yoofuneya yoodhiiha tthottho. Ahithukulaga, oja; omvahawo mamune, oja.

Wewule wahikala nyowa, ela yaali yooxaga waakwaranya aneenyama aatene a mukokolani, alene NABWIYA Mulugu yaapaddusiliiye. Yahimukohaga mwihiyana, wiira: <<Mulugu ohuwoga wi kamujege dhoovaha dha mithanko dhaatedhene dha mmuddani mu?>>

Weevo ni mwihiyana ginoodha guwiiddaniheni, anamabaliwelamo aawo ni anamabaliwelamo aaye; mwihima a mwihiyana onoodha ooporose muru, vano weevo onoodha omporose epothokoro>>.

Mulugu ahiwogaga wa mwihiyana, wiira: <<Ginoodha geenjedhedhe goyi warubalela, vano nlabo noobala naawo, oneerege woona ovoreya. Oneerege ofuna omulamula mamuno, mbwenye oliye dineere oolamulelege>>.

Egumi yaawo yaatene wafunaga oja, oneerege okuma nikurumela ofiyedha owelela otheyani, vowi mwa theya poobiwiiwe. Ebaribareene weevo oli nthubi, onoodha owelele okale nthubi>>.

Vano wa Adamu wiira: <<Vowi ohumwiiwelela mwihiyanaawo, oja yoovaha eyene galamuleliimi wi kuje: Theya ehuulumeleleya mwaha wa we. Oneerege woona goyi wafunaga okalana dhooja egumi yaawo yaatene.

NABWIYA Mulugu ahimukohaga, wiira: <<Wuwaaddele wi oli madave baani? Ohuja yoovaha ya muthanko ole gowaaddeliimi wi kuje?>>

NABWIYA agamwiigarile muthu, ahihela dhoopaddusiwa dha odhulu dha mompelo epaddi ya wewo onakuma nduwa wa mudda ole Eddeni wi yang'anelege dila enaya omuthankoni wa egumi. Ahihelavo supaadda na munddo naapeelela vevale.

Vano mulobwana ahimuthwa mwihiyanaaye ndina na Eva vowi ola daakale mma a athu aatene.