Mistari Maarufu ya Biblia kutoka Ala Kalɔ Buse 1

Shirikisha

Amu na Katɔti ɔ́su ɔnini, “Bɛya na bɔbla ukyuli na ɔlɛ-bu na bula udu kenye kalɛ na utaadi ɛpu ku kalɔ ku kayaa bebweyi ƒui lɛlɔ.” Ɔmmɔ ɔsu Katɔti údie ukyuli na ɔ́lɛ-nwu na nwuna udu kenye. Údie-ma, na badi ɔnana ku uleku.

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Na kayawi kalɔ kesekɔ ƒui ni, Katɔti údie katɔ ku kalɔ.

Na kalɔ kammɔ keeebo udu ɔdi. Na lɛla lɛdi lɛnɔ liiibo-ka kemmo, na lɛdisa kani náƒɔ kalɔ kammɔ lɛlɔ ƒui. Na Katɔti Kɔyu kani nkɛ mɔɔví ntu bɔni náƒɔ-ka anumi mmɔ ƒui lɛlɔ.

Amu na Katɔti údie lɛdi ɔnini, “Bukeye bubo,” na bukeye búbo.

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.

Na Katɔti ɔ́nu ka bukeye bɔmmɔ bɔdia. Na úle bukeye bɔmmɔ na lɛdisa kudɔ.

Ɔmmɔ kama ni, Katɔti ɔ́su bekyuli bammɔ ɔnini, “Binu! Líti livo lidu ku adingyii lidu ƒui líte-mii nnii enwini bina adila.

Na bukeye bɔmmɔ na Katɔti ɔ́lɔ ɔnii kadi nwaa, na ɔ́lɔ lɛdisa ɔnii usien. Na useyi údu na kadi kégye na limeyi lideedi lɛ́vi.

Amu na Katɔti údie lɛdi ɔnini, “Kuƒi kuduo ntu bɔmɛni kemmo, na kule ntu bɔmɛni bɔsiku ɔkpanadi kudɔ.”

Na líti livo líte bebuo bani nkya kalɔ lɛlɔ ku baasɛ ku bebweyi ƒui nnii linwini bana adila.”

Amu na Katɔti údie lɛdi ɔnini, “Bukeye lidu libo kayaa na bule usien ku kadi nwaa ntɛ. Na ɔmɛni ɔbla likposela ute uwi ku emeyi ku akwa.

Na údie lɛdi ɔnini, “Kalɔ kamɛni kakwɛ egyii ku livo lidu lidu ku adingyii lidu lɛnɔ.” Na úbo úte lɛni.

Anwuɔsu Katɔti ɔ́ya na kuƒi kúduo ntu bɔmmɔ kemmo na kúle ntu bɔni nwi kalɔ lɛlɔ ɔ́siku bɔni nkya katɔ kudɔ. Na úbo úte lɛni kani.

Anwuɔsu kalɔ kammɔ kénwini lɛku ku livo ku adingyii lidu lidu. Na Katɔti ɔ́nu ka ɔdia.

Katɔti ɔ́bla bukeye bonwu akpa anyɔ. Bukeye bunengudi bɔni ndi ɔƒɛ bɔdanku kadi nwaa, na kɔbuli kɔni nsia lɛnɔ kɔdanku usien. Na ɔ́bla ayabi lɛnɔ.

Amu na Katɔti údie lɛdi ɔnini, “Ntu bɔni náƒɔ kayaa kalɔ ni, bɔsala likpo linwi. Na kesii kani nákwii kakɔ kalɛ.” Na úbo úte lɛni. Na kesii kani nákwii mmɔ na Katɔti ɔ́lɔ ɔnii, “kalɔ,” na ntu bɔni násala lɛlɔ buwi likpo linwi mmɔ na Katɔti ɔ́lɔ ɔnii, “ɛpu.” Na Katɔti ɔ́nu ka ɔdia.

Katɔti úte-ma kusɛ kusɛ na ɔ́su ɔnini, “Bɛwɔ na bimomo na bɛƒɔ ntu bɔmmɔ kemmo ƒui. Na bani mbo avwi lɛnɔ bemomo.”

Amu na Katɔti údie lɛdi ɔnini, “Bebuo lidu lidu bɛƒɔ kalɔ kamɛni ƒui lɛlɔ, bebuo benengudi ku bebliidi ku bebweyi lidu lidu ƒui.” Na úbo úte lɛni.

Amu na Katɔti údie lɛdi ɔnini, “Kɔbɛ ku kɔkpaku ku ketu kemmo bebuo benengudi lidu lidu bɛƒɔ ntu bɔmmɔ kemmo ƒui. Na lɛla biala lɛni mbo avwi lɛnɔ liteeveyi taavi kayaa.”

Anwuɔsu Katɔti ɔ́bla bebuo benengudi ku bebliidi ku bebweyi lidu lidu, na báƒɔ kalɔ kammɔ ƒui lɛlɔ. Na Katɔti ɔ́nu ka ɔdia.