Mistari Maarufu ya Biblia kutoka Mateyo 7

Shirikisha

“Lombeni, elo mwakupelwa. Fwayeni, elo mwakusanga. Konkosheni, elo mwakwiswilwa.

Pakuti onse uulomba alapelwa, uufwaya alasanga, nangulya uukonkonsha aleswilwa.

“Echo umuntu onse uukoumfwa amashiwi anji nga nokuyachita eupalene nomuntu uwamano uwayimeke inanda yakwe pamwala.

“Fyonse ifyo mukofwaya ukuti abantu bamuchitile, efyo namwebo mulokubachitilako. Pakuti nku ekusambisha kwamafunde akwa Mosesi nabasoseshi.

Elo umulyango uutwala kubumi ubutapwa uuche, elo nenshila yauko iiche. Echo nabantu abayisanga bakupenda bwaka.

“Injileni pamulyango uuche, pakuti umulyango uutwala kukonayika ukulu, elo nenshila yauko nayo ikulu. Echo nabantu abendamo benji.

Nomba nga mwebo mwebabi mfi, mwalishiba ukupela abana benu ifiweme, mba Bawishinwe abakumulu kuti bafilwa shani ukupela ifintu ifiweme kuli bo abakobalomba?

“Mulokupingulapo bambi, pakuti namwe Lesa ekamupingulapo. Pakuti Lesa akamupingwila mumusango umo wenka uwo mupingwilamo bambi, nomulingo uwo mukolingilako bambi ewo namwe Lesa akamulingilako.

“Kabili umuntu onse uukoumfwa amashiwi anji nga nokutayachita, eupalene nomuntu uutumpile uwayimeke inanda yakwe pamusenga.

Mba nindo ukololesesha akapande akali mulinso lyakuwenu, elo we wasula ichipande ichili mulinso lyobe? Elo kuti wasosa shani kuli wenu ati, ‘Leka mfunye akapande akali mulinso lyobe,’ ulo mulinso lyobe muli ichipande?

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali. Mwakubeshibila kufitwalo fyabo. Napo abantu balaswa impesha kumyunga nangu amakunyu kumituntulwa?

Ichiti ichiweme chitwala ifitwalo ifiweme, kuntu ichiti ichabipa chitwala ifitwalo ifyabipa.

Ichiti ichiweme tekuti chitwalepo ifitwalo ifyabipa, nechabipa tekuti chitwalepo ifitwalo ifiweme.

Ichiti chonse ichitatwalapo ifitwalo ifiweme bakachitema nokuchiposa mumulilo.