Mistari Maarufu ya Biblia kutoka Génesis 1

Shirikisha

Jee nkachiꞌ Ndiosíꞌ: “Saꞌá‑ó ñɨvɨ ya̱ koo ráa sánikua̱ꞌ íyó‑ó, ya̱ naku ráa iniꞌ‑ó. Saꞌá‑ó ya̱ kuneí ráa kosoꞌ ráa nu̱u̱nꞌ rá tia̱ká íyó nu̱u̱nꞌ nteñúꞌún, jín nu̱u̱nꞌ rá kitɨ ya̱ jíkó rátíꞌ súkún, jín nu̱u̱nꞌ ntáká nu̱u̱nꞌ rá kitɨ, jín nu̱u̱nꞌ nɨꞌɨ ñɨ̱vɨ́, jín nu̱u̱nꞌ nɨꞌɨ rá kitɨ líꞌí ya̱ síúꞌun maáa nu̱u̱nꞌ ñu̱ꞌún.” Nsa̱ꞌá Ndiosíꞌ ñɨvɨ ñunéꞌyúꞌ ya̱ íyó ráa sánikua̱ꞌ íyó Ndiosíꞌ, ya̱ naku ráa iniꞌ re̱ꞌ. Nsa̱ꞌá re̱ꞌ te̱e jín ñaꞌan.

Jee nsa̱ꞌá Ndiosíꞌ ya̱ na̱ ka̱ꞌ netuꞌ ka̱ꞌ kuvi ráa jee nkachiꞌ re̱ꞌ nu̱u̱nꞌ ráa: “Nataꞌviꞌ víꞌí rán ka̱ꞌ jee kukueꞌeꞌ rán ka̱ꞌ jee chuchítú rán maárán nu̱u̱nꞌ ñɨ̱vɨ́. Jee chiꞌi ñɨ̱vɨ́ xi̱ntíín rán. Jee kosoꞌ rán nu̱u̱nꞌ rá tia̱ká íyó nu̱u̱nꞌ nteñúꞌún, jín nu̱u̱nꞌ ntáká nu̱u̱nꞌ rá kitɨ íyó chi̱yo̱ꞌ ya̱ jíkó rátíꞌ súkún, jín nu̱u̱nꞌ nɨꞌɨ rá kitɨ tékúꞌ ya̱ jíkanuun nu̱u̱nꞌ ñu̱ꞌún.”

Tiempúꞌ xíꞌnañúꞌún ne̱ ntiáꞌan kiko̱o ñɨ̱vɨ́ jee nsa̱ꞌá Ndiosíꞌ súkún jín ñɨ̱vɨ́.

Jee ntu kútúníꞌ ná íyó‑o jee íyó saɨn‑ɨ. Jee ñu̱neenꞌ kúvi‑i jee nóníji Ta̱chi̱ꞌ Ííꞌ Ndiosíꞌ nu̱u̱nꞌ nute.

Jee nkachiꞌ Ndiosíꞌ: “¡Kiko̱o ñuꞌunꞌ!” Jee ña̱ko̱o ñuꞌunꞌ.

Jee niniꞌ Ndiosíꞌ nɨꞌɨ ya̱ nsa̱ꞌá re̱ꞌ, jee va̱ꞌa víꞌí íyó. Jee nini kuíí jee nka̱jiéꞌé ɨɨn yakuááꞌ nɨ́ɨ́n, jee nku̱nijinꞌ jee nki̱jiéꞌé ɨɨn nuví nɨ́ɨ́n, jee suꞌva nkuvi ki̱vɨ̱ꞌ íñúꞌ.

Jee Ndiosíꞌ niniꞌ ya̱ váꞌa kúvi ñuꞌunꞌ. Jee nsásɨ́ɨ́n Ndiosíꞌ ñuꞌunꞌ nuví jín ñu̱neenꞌ.

Jee kuíre nkachiꞌ Ndiosíꞌ: “Tɨɨn kuéntáꞌ rán. Ntaji ni̱ꞌ nɨꞌɨ rá yu̱ku̱ꞌ ya̱ íyó nikɨn ya̱ íyó nɨꞌɨ nu̱u̱nꞌ ñu̱ꞌún, jín nɨꞌɨ rá yutun ya̱ jiáꞌa ya̱ vixíꞌ ya̱ íyó nikɨn áxí titɨ iniꞌ‑i, jee ntaji ni̱ꞌ maa nu̱u̱nꞌ ránoꞌó ya̱ kajiꞌ rán maa.

Jee nsi̱kúnání Ndiosíꞌ ñuꞌunꞌ vá “nuví”, jee ñu̱neenꞌ vá nsi̱kúnání re̱ꞌ “yakuááꞌ”. Jee nini kuíí jee nka̱jiéꞌé ɨɨn yakuááꞌ nɨ́ɨ́n, jee nku̱nijinꞌ jee nki̱jiéꞌé ɨɨn nuví nɨ́ɨ́n, jee suꞌva nkuvi ɨɨn ki̱vɨ̱ꞌ.

Jee kuíre nkachiꞌ Ndiosíꞌ: “Koo ya̱ kunasɨꞌ nu̱u̱nꞌ ñɨ̱vɨ́ ma̱ꞌñú rá nute ya̱ saꞌá sɨ́ɨ́n‑ɨ rá nute.”

Jee njia̱ꞌa ni̱ꞌ nɨꞌɨ ya̱va̱ꞌ kuíí nu̱u̱nꞌ rá kitɨ íyó nu̱u̱nꞌ ñu̱ꞌún, jín nu̱u̱nꞌ rá kitɨ ya̱ jíkó rátíꞌ súkún, jín nu̱u̱nꞌ nɨꞌɨ rá kitɨ ya̱ síúꞌun ráa maáa nu̱u̱nꞌ ñu̱ꞌún. Njia̱ꞌa ni̱ꞌ maa kajiꞌ nɨꞌɨ rá kitɨ ya̱ tékúꞌ.” Jee nkuvi suꞌva.

Jee nkachiꞌ Ndiosíꞌ: “Koo rá ñuꞌunꞌ súkún sáva kusɨ́ɨ́n nuví jín yakuááꞌ. Jee kuvi ráa seña sáva tɨɨn kuéntáꞌ ñɨvɨ na̱sa jíka rá yo̱o̱ꞌ, jín rá ki̱vɨ̱ꞌ, jín rá kui̱ya̱ꞌ.

Jee kuíre nkachiꞌ Ndiosíꞌ: “Staꞌvíꞌ nu̱u̱nꞌ ñu̱ꞌún ntáká nu̱u̱nꞌ ya̱va̱ꞌ, rá yu̱ku̱ꞌ ya̱ koo nikɨn, jín rá yutun ya̱ ku̱ꞌva ya̱ koo nikɨn áxí titɨ iniꞌ‑i. Jee ta ɨɨn ku̱ꞌva sánikua̱ꞌ tataꞌ ku̱ꞌva maáa.” Jee nkuvi suꞌva.

Jee nsa̱ꞌá Ndiosíꞌ maa ya̱ kunasɨꞌ‑ɨ nu̱u̱nꞌ ñɨ̱vɨ́ jee nsa̱ꞌá sɨ́ɨ́n re̱ꞌ rá nute íyó nu̱u̱nꞌ ñu̱ꞌún jín rá nute íyó ne̱ si̱kɨ̱ꞌ súkún. Jee nkuvi suꞌva.

Jee nta̱ꞌvi̱ꞌ ntáká nu̱u̱nꞌ ya̱va̱ꞌ nu̱u̱nꞌ ñuꞌún: rá yu̱ku̱ꞌ ya̱ jiáꞌa nikɨn sánikua̱ꞌ tataꞌ jiáꞌa maáa, jín yutun ya̱ jiáꞌa ya̱ íyó nikɨn áxí titɨ iniꞌ‑i sánikua̱ꞌ tataꞌ jiáꞌa maáa. Jee niniꞌ Ndiosíꞌ ya̱ va̱ꞌa ví‑i.

Jee nsa̱ꞌá Ndiosíꞌ ni núvíꞌ rá ñuꞌunꞌ káꞌnú: ñuꞌunꞌ káꞌnú ka̱ꞌ sáva kuneí‑i tu̱u̱nꞌ‑u nuví, jín ñuꞌunꞌ su̱chí ka̱ꞌ sáva kuneí‑i tu̱u̱nꞌ‑u yakuááꞌ. Jee suni nsa̱ꞌá re̱ꞌ rá tiu̱u̱nꞌ.

Jee nkachiꞌ Ndiosíꞌ: “Nutútú rá nute íyó chi̱ji súkún métúꞌún nu̱u̱nꞌ ni jee natu̱vi ñuꞌun íchí.” Jee nkuvi suꞌva. Jee nsi̱kúnání Ndiosíꞌ “ñuꞌun” nu̱u̱nꞌ íchí vá. Jee nsi̱kúnání re̱ꞌ “nteñúꞌún” nu̱u̱nꞌ nnu̱tútú rá nute. Jee niniꞌ Ndiosíꞌ ya̱ va̱ꞌa ví‑i.

Jee nsa̱ꞌá Ndiosíꞌ ya̱ na̱ ka̱ꞌ netuꞌ ka̱ꞌ kuvi rátíꞌ jee nkachiꞌ re̱ꞌ: “Nataꞌviꞌ víꞌí rán ka̱ꞌ jee kukueꞌeꞌ rán ka̱ꞌ jee chuchítú rán maárán nu̱u̱nꞌ rá nteñúꞌún, jee kukueꞌeꞌ ka̱ꞌ rá kitɨ nééꞌ chi̱yo̱ꞌ nu̱u̱nꞌ ñɨ̱vɨ́.”

Jee nkachiꞌ Ndiosíꞌ: “Koo rá kitɨ tékúꞌ: rá sa̱na̱ꞌ, rá kitɨ líꞌí ya̱ rá siúꞌun ráa maáráa nu̱u̱nꞌ ñu̱ꞌún, jín rá kitɨ yúkú. Taꞌviꞌ ta ɨɨn sánikua̱ꞌ tataꞌ kúvi maáráa.” Jee nkuvi suꞌva.

Jee kuíre nkachiꞌ Ndiosíꞌ: “Koo kue̱ꞌe̱ꞌ rá kitɨ tékúꞌ nu̱u̱nꞌ nute. Jee koo ntáká nu̱u̱nꞌ rá kitɨ chúchíyoꞌ ya̱ jikó rátíꞌ súkún nu̱u̱nꞌ ñɨ̱vɨ́.”

Jee nsa̱ꞌá Ndiosíꞌ rá kitɨ yúkú ya̱ táꞌvíꞌ‑i sánikua̱ꞌ tataꞌ kúvi maáráa, jín rá sa̱na̱ꞌ ya̱ táꞌvíꞌ‑i sánikua̱ꞌ tataꞌ kúvi maáráa, jín rá kitɨ líꞌí ya̱ síúꞌun‑u maáa nu̱u̱nꞌ ñuꞌun ya̱ táꞌvíꞌ‑i sánikua̱ꞌ tataꞌ kúvi maáráa. Jee niniꞌ Ndiosíꞌ ya̱ váꞌa ví‑i.