Mistari Maarufu ya Biblia kutoka मत्ती 7

Shirikisha

“मगियाल त तुन्धे दी छते। तोपियाल त तुसी मेई घेन्तु। दुआर घमकान्ता त तुसी जे खोल छते।

किस कि जे बि मगता, तसे धे दीइन्तु; जे बि तोपता तसे मेई घेन्तु; त जे बि घमकान्ता, तस जे दुआ उघिड़ घेन्तु।

“तोउं त अउं तुसी सोबी जे बोता, जे कोउं में बोक मान कइ जीन्ता, से तेस अक्लदार मेह्‍णु ईं भुन्ता, जेन अपु गी फाट पुठ सुसुर खाई दी कइ बड़ाउ।

तोउं त जे कुछ तुस चहन्ते कि होरे मेह्‍णु तुसी जोई करे, तुसी बि तेन्हि जोई तिहांणि करुण, किस कि नियम त भविष्य वक्ती के मूल शिक्षा एईएं असी।”

पर जे दुआर त बथ अमर जीवन जे पुजान्ती, से सुआ संकड़ी त सुआ ओखी असी। थोड़े जेईं ईं असे जे एस बथ हंटते।

संकड़े दुआरे बइ परमेश्वरे राज्य अन्तर घेणे कोशिश करे। किस कि जे खुले दुआर असा त जे बथ सुख्ती असी, से नर्क जे घेन्ति। सुआ जेईं तेस बथ पुठ हंटते।

तोउं, तुस बुरे भोई कइ बि अगर अपु गभुर कें धे अब्बल अब्बल चीज देण जाणते त तुं स्वर्गे बोउ अपु मगणे बाड़ी कें धे केहि गुणा अब्बल अब्बल चीज किस न देन्ता?

“केसेरी पंची ना करे त तुं बि पंची ना भुन्ति। किस कि जीं तुस होरी पुठ दोष लान्ते, तिहांणि तुसी पुठ बि दोष लगता। होर जेन नापे बइ तुस होरी जे नापते, तेस नापे बइ तुसी जे बि नापिंन्‍तु।

पर जे कोउं में बोक शुणता, पर तेन्हि पुठ न हंटता, से तेस मुर्ख मेह्‍णु ईं असा, जेन अपु गी रेत पुठ बणो असु।

तुस किस अपु भाई टीरी अन्तर टख हेरते? तुसी अपु टीरी अन्तरी डड न केता ना? तुं अपु टीर अन्तर त डड असा, त फि तुस कीं अपु भाई जे बोते कि मोउं तुं टीरे टख किढ़ण दिए।

झूठे भविष्य वक्ती केआं दूर बिशे। से भोले-भाले ढडुड़ के वेश अन्तर तुं भेएड़ एन्ते, पर सच्चे बि से चीरणे बाड़े शेंखु भुन्ते। तेन्के कम हेर कइ तुस तेन्हि पिछाण बटते। मेह्‍णु कि शाघिल बखुर केआं दछि त कंटि केआं अंजीर फल उह्‍णते ना?

तिहांणि हर यक खरा बुटा खरे फल देन्ता त बुरा बुटा बुरे फल देन्ता।

खरा बुटा कदी बुरे फल न दी बटता, होर न बुरा बुटा खरा फल दी बटता।

जे जे बुटे खरे फल न देन्ते, तेन्हि काट कइ आग छइ छते।