Mistari Maarufu ya Biblia kutoka متى 7

Shirikisha

أُطلبو بتوخذو، دَوْرُو بتلاقو، ودُقو على الباب بفتح

لأنو كل واحد بطلب بوخذ واللي بِدَوِّر بلاقـي واللي بدُق على الباب راح ينفتحلو.

أي واحد بسمع كلماتي وبعيش عأساسها بكون إنسان فهمان بنـى بيتو عالصخر.

عاملو الناس زي ما بتحبو يعاملوكو. لأنو هذا هو مختصر تعليم التوراه والأنبيا.

بس الباب إللـي نهايتو الحياة ضيّق عالآخر وطريقو صعبه. وقلال إللي بيلاقوه.

فوتو من الباب الزغير لأنو نهاية الباب الكبيـر والشارع الواسع هي الهلاك. وكثار إللي بفوتو منهن.

إنتو أشرار وبتعرفو تعطو ولادكو هدايا منيحه طيب كيف أبوكو السماوي؟ هو راح يعطي الخيـر لكل اللي بيسألوه.

ما تحكموش ع الناس عشان مينحكمش عليكو لأنو زي مبتحكمو رح ينحكم عليكو وزي مبتوزن غيرك رح تِتوَزن

أما إللي بسمع كلماتي وبتجاهلها فبكون إنسان غبي بنـى بيتو عالرمل.

كيف بتطلع عالوسخه الزغيـره اللي في عين أخوك وفي خشبة كبيـرة في عينك وانت مش شايفها؟ وكيف بتقول لأخوك خلينـي أطلّع الوسـخه الزغيـره من عينك وفي خشبه كبيـره مسكره عينك؟

ديرو بالكو من القادة الكزابيـن. بيجو لابسين أواعي الغنم وبقلوبهن متخبيه ذئاب شرسه. راح يبينو من ثمرهن. فكركو الأعشاب اللي بتغز بطّلع قُطف عنب والشوك بطّلع تين. طبعا لأ.

يعنـي كل شـجره منيحه بتطّلع ثمر منيح بس الشـجره الـمعفنه بتطلع ثمر عاطل.

بتقدرش الشـجره الـمنيحة تطّلع ثمر عاطل ولا الشـجره الـمعفنه تطّلع ثمر منيح.

كل شجره ما عندهاش ثمر منيح راح تنقطع وتنـزت بالنار.