Mistari Maarufu ya Biblia kutoka Genèse 1

Shirikisha

Kè olo mo hi nè Nzapa to oui̱ne, ègui̱: Alè dè oui‐ouili nè zizi’lè, hè oui ma dè’lè, h’a dè ouane jou zolo o do̱ di̱ngguè nana li nè oli, do noi̱ li‐zane mè o nè oli, do daïli o, dè nou nè oli, do ino‐o né nèno nè zan lo‐o hi di ngo nou h‐è nè oli. Nè Nzapa dè oui‐ouili nè zizi‐ng‐è, a dé’a nè zizi Nzapa, a déè nè oui‐ouili dè ouiko.

Nè Nzapa é démo jou ouo̱‐o, Nzapa to oui̱ne ho ouo̱‐o, ègui̱: Ènè ko, ènè dèlè, ènè houlou ngo nou h‐è nè oli, ènè dè ouane jou a; ènè dè ouane jou zolo do̱ nana o, do noi̱ nè boulou li‐zane mè o hi, do sadi̱ o nè fo to lo‐o di ngo nou h‐è fouo nè oli.

Nè dome mo mè, Nzapa déè nè li‐zane o dè nou.

Kè nou o̱ nè ola; kè nè toum hè houlou ngo ba doukou ko̱, kè l’Esprit kè Nzapa fo t’è nè ngo li o hi.

Nè Nzapa to oui̱ne, ègui̱: Mi koa mossa tèno! Kè mossa ma.

Nè Nzapa joko mo no‐o nè oli n’è déè hi; joko, kè diè goudou ki̱ne. Kè mbolo déè pome, dè toutouli pome: kè nè ouichi dongpo.

Nè Nzapa joko kè mossa dièouinè; nè Nzapa kèkosan mossa dè toum o.

Nè Nzapa to oui̱ne, ègui̱: Joko, mi ha jo nè palè è hè sènè di ngo nou h‐è nè oli h’ènè‐o, do ti‐ouara‐ti o nè ouara ouara‐ti nè bara o hè sènè hi: kè nè mo‐yongo k’ènè‐o.

Nè Nzapa sa yini mossa nè ouichi, n’a sa yini bè toum o nè zè. Kè mbolo déè pome, dè toutouli pome: kè nè akouti jou ouichi pome‐iè.

Nè Nzapa to oui̱ne, ègui̱: Mi koa ba oloyara nè bo̱bo̱ li, hè kè nè kosan li dè li o.

Mi ha toro jo ho sadi̱ o nè oli sènè nou‐h‐è, do noi̱ o nè oli li‐zane mè, do ma mo nè fo to lo‐o di sènè nou h‐è fouo, nè omo‐omi‐omo hi, nè mo‐yongo ho ouo̱‐o. N’è dè hèmo higo.

Nè Nzapa to oui̱ne, ègui̱: Mi koa sanra‐mo o ma nè mo doungou ba oloyara li‐zane mè, oui̱ne kèkosan ouichi dè zè; kè nè mo oui̱ne oussou ji ènè, ènè o, dè ouichi o, dè pè o

Kè ol’a hi nè Nzapa to oui̱ne, ègui̱: Mi koa jo bara, nè jo nè palè è hè sènè, dè ti‐ouara‐ti o nè ouara ouara‐ti ènè, ènè, nè bara o hè sènè hi di sènè nou h‐è. N’è dè hèmo higo.

Nzapa déè ba oloyara, kè nè kosan li o nè o̱ do̱ ba oloyara dè li o nè o̱ ngo̱ne ba oloyara hi. N’è dè hèmo higo.

Nè jo bara ngo nou, dè jo nè palè è hè sènè ènè, ènè, dè ti‐ouara‐ti o nè ouara ouara‐ti ènè, ènè, nè bara o hè sènè hi. Nè Nzapa joko kè dièouinè.

Nè Nzapa dè di̱ngguè sanra‐mo litou, ma di̱nggu’a nè mo‐yanra nè ouichi, nè ma solobiè nè mo‐toko nè zè; n’a dè solo o bo.

Nè Nzapa to oui̱ne, ègui̱: Mi koa li o nè oli nè o̱ do̱ li‐zane hi o to a‐jou‐ma oloyara pome‐iè, nè koulou‐mo ho zane. N’è dè hèmo higo. Nè Nzapa sa yini koulou‐mo nè nou, n’a sa yini li o nè touo di‐jou‐ma o hi nè nana. Nè Nzapa joko kè dièouinè.

Nè Nzapa é démo jou ouo̱‐o, a to oui̱ne ho ouo̱‐o, ègui̱: Ènè ko, ènè dèlè ènè dounou o ba di̱ngguè nana li o nè oli; noi̱ o bo ko doko o di sènè nou h‐è.

Nè Nzapa to oui̱ne, ègui̱: Mi koa nou é sadi̱ monotouni o ènè, ènè, do daïli o, do ino‐o nè nèno nè zan lo‐o hi, do sadi̱ do̱ko jo o ènè, ènè. N’è dè hèmo higo.

Nè Nzapa to oui̱ne, ègui̱: Mi koa li o é sadi̱ monotouni o ouinè, dè noi̱ o nè boulou nè ngo̱ne nè ba oloyara li‐zane mè hi.

Nzapa déè sadi̱ o ènè, ènè di sènè nou h‐è, a déè daïli o ènè, ènè, do ino‐o nè nèno nè zan lo‐o hi ènè, ènè. Nè Nzapa joko kè dièouinè.