SOMA BIBLIA KILA SIKU 01/20Mfano

Yesu alitwaa mwili katika bikira Mariamu. Mimba yake ilitungwa kwa uwezo wa Roho Mtakatifu. Mwanzoni hata Yusufu, ambaye alikuwa mchumba wake Mariamu, hakujua mpango wa Mungu. Aliazimu kumwacha kwa siri Mariamu ili kumwepusha na aibu. Yusufu alikuwa mtu wa haki, tena alimpenda Mariamu. Baada ya kujulishwa na Mungu kuwa bado Mariamu alikuwa ni bikira, maana alikuwa na mimba kwa uwezo wa Roho Mtakatifu, Yusufu akamwoa Mariamu. Mtoto akaitwa Yesu, jina linaloeleza sababu ya kuzaliwa kwake, kwamba atakuwa mkombozi wa ulimwengu – kama malaika anavyomwambia Yusufu katika m.21: Mariamuatazaa mwana, nawe utamwita jina lake Yesu, maana, yeye ndiye atakayewaokoa watu wake na dhambi zao.