Soma Biblia Kila Siku Agosti 2021Mfano

Mashtaka ya Wayahudi ni ya uongo. Wanamchukia Yesu kwa sababu amekemea maovu yao. Walidhani anawanyang’anya madaraka kutokana na watu kumpenda na kumsikiliza Yesu kuliko wao (Mk 11:18, Wakuu wa makuhani na waandishi wakapata habari wakatafuta jinsi ya kumwangamiza; maana walimwogopa, kwa sababu mkutano wote walishangaa kwa mafundisho yake). Shtaka kuu ni kuwa Yesu amesema atalibomoa hekalu na kulijenga kwa siku tatu. Ila yeye alimaanisha mwili wake. Yesu alivumilia uongo wao kwa kukaa kimya. Alikuwa tayari kuwafia wanadamu. Jibu lake katika m.62 lina maana kubwa. Yesu akasema, Mimi ndiye, nanyi mtamwona Mwana wa Adamu ameketi mkono wa kuume wa nguvu, akija na mawingu ya mbinguni. Yesu alijua kwamba kwa kusema yeye ni sawa na Mungu, Wayahudi watamchukia zaidi.