Soma Biblia Kila Siku Agosti 2021Mfano

Kuna watu wanaoonyesha mateso ya Yesu kwa hatua tisa: Kuhuzunika, kupigwa makofi, kupelekwa kwa Pilato, kupigwa mijeledi, kutiwa taji la miiba, kusulubishwa, kupigiliwa misumari, kupaza sauti kwa Mungu: "Mbona umeniacha?" na "Imekwisha". Lengo la kifo chake ni kuukomboa ulimwengu. Wahalifu wawili wanasulubiwa pamoja naye. Zingatia Lk 23:39-40, jinsi kila mmoja anavyotoa maneno au anavyotumia dakika zake za mwisho: Mmoja wa wale wahalifu waliotungikwa alimtukana, akisema, Je! Wewe si Kristo? Jiokoe nafsi yako na sisi. Lakini yule wa pili akamjibu akamkemea, akisema, Wewe humwogopi hata Mungu, nawe u katika hukumu iyo hiyo? Je, wewe unatoa maneno gani kwa kifo cha Yesu. Unalingana na mhalifu yupi?